Алесандра Д’яманці

Алеса́ндра Д’яма́нці (па-італьянску: Alessandro Diamanti; нар. 2 траўня 1983 году, Прата, Італія) — колішні італьянскі футбаліст, паўабаронца. Мае на сваім рахунку матчы ў складзе нацыянальнай зборнай Італіі.

Алесандра Д’яманці
Пэрсанальная інфармацыя
Нарадзіўся	2 траўня 1983(1983-05-02)[1][2] (42 гады) Прата, Таскана, Італія
Рост	180 см
Вага	75 кг
Пазыцыя	нападнік
Клюбы
Гады	Клюб	Гульні (галы)¹
1999—2007	Прата[d]	72 (23)
2000—2001	→ Эмпалі	0 (0)
2001—2002	→ Фучэк’ё[d]	24 (3)
2003	→ Фіярэнтына	3 (0)
2004—2006	→ Альбіналефэ[d]	26 (0)
2007—2009	Ліворна	63 (24)
2009—2010	Ўэст Гэм Юнайтэд	28 (7)
2010—2011	Брэшыя	32 (6)
2011—2014	Балёньня	83 (19)
2014	Гуанчжоў[d]	24 (4)
2015—2016	→ Ўотфард	3 (0)
2015	→ Фіярэнтына	11 (2)
2016	→ Аталянта	16 (1)
2016—2017	Палерма	31 (1)
2018	Пэруджа	13 (2)
2018—2019	Ліворна	32 (10)
2019—2023	Ўэстэрн Юнайтэд[d]	82 (11)
Зборныя
2010—2013	Італія	17 (1)

Кар’ера

Раньнія гады

Алесандра Д’яманці зьяўляецца выхаванцам футбольнай акадэміі «Санта-Лючыя», дзе працаваў ягоны бацька, Лючана, які ў свой час выхаваў іншага вядомага футбаліста — Крыстыяна В’еры^[3]. Улетку 1997 году Д’яманці перайшоў у клюб «Прата»^[4]. І праз тры сэзоны, 14 траўня 2000 году дэбютаваў у асноўным складзе каманды ў матчы супраць «Навары» (0:0). 2 ліпеня 2000 году Алесандра быў арандаваны «Эмпалі». Пасьля заканчэньня першынства, Д’яманці вярнуўся ў «Прата», дзе 19 жніўня 2001 году згуляў сваю першую сустрэчу ў Кубку Італіі супраць «К’ева»^[5]. 26 верасьня 2001 году Алесандра быў арандаваны клюбам сэрыі D «Фучэк’ё»^[6], дзе правёў 24 гульні й забіў 3 галы. Улетку 2002 году паўабаронца ў чарговы раз вярнуўся ў «Прата», дзе згуляў толькі дзьве сустрэчы.

1 студзеня 2003 году Д’яманці быў арандаваны, з правам выкупу кантракту, дублем «Фіярэнтыны». Там ён дэбютаваў 16 лютага 2003 году ў матчы супраць «Імалезэ». «Фіярэнтына», аднак, прыняла рашэньне не выкупляць кантракт Алесандра з-за двух эпізодаў узьнікненьня ў футбаліста прыступаў пнэўматораксу^[7]. Пасьля гэтага ён вярнуўся ў «Прата», зь якім падпісаў 5-гадовы кантракт. 5 ліпеня 2004 году Д’яманці падпісаў трохгадовы кантракт з клюбам «Альбіналефэ», што выкупіў палову правоў на футбаліста. Там ён дэбютаваў 2 кастрычніка ў матчы супраць «Бары» (1:1). Усяго за сэзон Алесандра правёў 18 сустрэч. У першай палове наступнага сэзону гулец рэдка выходзіў на поле, і 31 студзеня ён быў арандаваны сваім былым клюбам, «Прата»^[8].

«Ліворна»

9 ліпеня 2007 году Д’яманці перайшоў у клюб Сэрыі А, «Ліворна»^[9]. 25 жніўня ён дэбютаваў у асноўным складзе, выйшаўшы на замену ў матчы супраць «Ювэнтуса», дзе ягоная каманда прайграла зь лікам 1:5. 24 лютага 2008 году Алесандра забіў першы мяч за клюб, забіўшы са штрафнога ў матчы супраць «Напалі».

«Ўэст Гэм Юнайтэд»

28 жніўня 2009 году Д’яманці быў набыты ангельскім клюбам «Ўэст Гэм Юнайтэд», падпісаўшы кантракт на 5 гадоў^[10]. 12 верасьня ён дэбютаваў у складзе каманды ў матчы супраць «Ўігана Атлетыка» (0:1).

«Брэшыя»

Пасьля таго, як «Ўэст Гэм» узначаліў Абрагам Грант, Д’яманці правёў яшчэ адзін матч за клюб і перайшоў у «Брэшыю» за 2,2 млн эўра; кантракт быў падпісаны да 2015 году^[11]. 29 жніўня ён дэбютаваў у складзе клюбу ў матчы супраць «Пармы» (0:2).

«Балёньня»

1 жніўня 2011 году Алесандра перайшоў у склад «Балёньні», якая заплаціла за трансфэр футбаліста 1,5 мільёны эўра^[12].

«Гуанчжоў Эвэргранд»

7 лютага 2014 году «Балёньня» і «Гуанчжоў Эвэргранд» афіцыйна абвесьцілі пра складаньне дамовы між клюбамі на пераход гульца ў кітайскі клюб з трансфэрным коштам 6,9 млн эўра^[13].

Міжнародная кар’ера

14 лістапада 2010 году Д’яманці быў выкліканы ў склад зборнай Італіі^[14]. 17 лістапада ён дэбютаваў у складзе каманды ў сустрэчы супраць зборнай Румыніі, дзе правёў першы тайм і быў заменены Даніелем Дэ Росі. Сустрэча скончылася ўнічыю 1:1^[15].

Дасягненьні

«Гуанчжоў Эвэргранд»:

• Чэмпіён Кітаю: 2014