Аляксандар Дзямешка
беларускі футбаліст і трэнэр From Wikipedia, the free encyclopedia
Remove ads
Алякса́ндар Дзяме́шка (нарадзіўся 7 лістапада 1986 году) — колішні беларускі футбаліст, нападнік.
Remove ads
Клюбная кар’ера
«Дынама»
Выхаванец берасьцейскай СДЮШАР-5, з 2003 году пачаў праходзіць у дубль мясцовага «Дынама». Ужо ў 2005 годзе дэбютаваў у асноўнай камандзе. Найбольш пасьпяховым сэзонам у «Дынама» быў сэзон 2007 году, калі Дзямешка 17 разоў зьявіўся на полі ў чэмпіянаце і вызначыўся голам, а таксама разам з камандай здабыў Кубак Беларусі. Пазьней выступаў пераважна толькі за дубль, ня даўшы рады ў замацаваньні ў асноўным складзе дынамаўцаў.
«Граніт» і «Гарадзея»
Сэзон 2010 году распачаў у складзе «Граніта», які паводле вынікаў чэмпіянату 2009 году страціў месца ў Найвышэйшай лізе. Абараняў колеры мікашэвіцкага клюбу цягам двух сэзонаў, дзе здолеў трывала замацавацца ў асноўным складзе.
У лютым 2012 году перайшоў у «Гарадзею»[3]. Двойчы разам з «цукровымі» займаў другое месца ў Першай лізе, аднак клюб гэтак і ня здолеў прабіцца ў элітны дывізіён, саступаючы ў стыкавых матчах. У сэзоне 2014 году трывала зьяўляўся ў стартавым складзе, але клюб заняў толькі 6-е месца ў Першай лізе.
Вяртаньне ў Берасьце
З студзеня 2015 году знаходзіўся на праглядзе ў берасьцейскім «Дынама»[4]. У выніку распачаў сэзон 2015 году ў складзе роднага клюбу. У «Дынама» замацаваўся ў асноўным складзе ды пачаў выступаць на пазыцыі цэнтральнага нападніка.
У студзені 2016 году накіраваўся на прагляд у польскі клюб «Погань» зь Седльцаў, але не падышоў камандзе[5]. У выніку вярнуўся ў «Дынама», зь якім у сакавіку падпісаў новы кантракт[6]. Быў капітанам каманды, у першай палове сэзону 2016 году быў асноўным нападнікам і забіў 6 галоў у чэмпіянаце, але ўлетку страціў месца ў першай адзінаццатцы і пераважна выходзіў на замену. У першай палове 2017 году заставаўся гульцом «Дынама», аднак нават у заяўку на матчы трапляў зрэдку, згуляў толькі ў адным матчы. У ліпені 2017 году завяршыў гульнявую кар’еру і перайшоў на трэнэрскую працу ў моладзевай акадэміі «Дынама»[7].
У пачатку 2018 году далучыўся да фарм-клюбу дынамаўцаў — берасьцейскага «Руха». У склад гэтай каманды быў заяўлены на сэзон 2018 году ў якасьці гульца. Дапамог камандзе атрымаць перамогу ў Другой лізе. Адначасова быў старшым трэнэрам каманды, і пасьля сэзону 2018 году сканцэнтраваўся на трэнэрскай дзейнасьці. У 2021 годзе ў якасьці аматара выступаў за «Берасьцежылбуд» у Другой лізе.
Remove ads
Трэнэрская кар’ера
У 2018—2021 гадах быў старшым трэнэрам «Руха», разам з камандай прайшоў шлях да Найвышэйшай лігі. У студзені 2022 году ачоліў дубль «Руха»[8], аднак у хуткім часе клюб зьняўся з спаборніцтваў.
У сакавіку 2023 году стаў працаваць трэнэрам у дублі берасьцейскага «Дынама»[9]. Восеньню 2023 году разам за галоўным трэнэрам дубля Андрэем Чалмадзеевым перайшоў у асноўную каманду дынамаўцаў, дзе застаўся і ў наступным годзе па прызначэньні новым галоўным трэнэрам Аляксандра Бразевіча[10].
У лістападзе 2023 году атрымаў трэнэрскую ліцэнзію катэгорыі A[11].
Remove ads
Статыстыка
Крыніцы
Вонкавыя спасылкі
Wikiwand - on
Seamless Wikipedia browsing. On steroids.
Remove ads