Алесандра Флярэнці

Алеса́ндра Флярэ́нці (па-італьянску: Alessandro Florenzi; нар. 11 сакавіка 1991 году, Рым, Італія) — італьянскі футбаліст, паўабаронца. Мае на сваім рахунку матчы ў складзе нацыянальнай зборнай Італіі.

Алесандра Флярэнці
Пэрсанальная інфармацыя
Нарадзіўся	11 сакавіка 1991(1991-03-11)[1][2][3] (34 гады) Рым, Італія
Рост	173 см[4]
Вага	67 кг[4]
Пазыцыя	паўабаронца
Клюбы
Гады	Клюб	Гульні (галы)¹
2011—2022	Рома	227 (25)
2011—2012	→ Кратонэ	35 (11)
2020	→ Валенсія	12 (0)
2020—2021	→ Пары Сэн-Жэрмэн	21 (2)
2021—2022	→ Мілян	24 (2)
2022—2025	Мілян	38 (1)
Зборныя
2010—2011	Італія (да 20)[d]	4 (0)
2011—2013	Італія (да 21)[d]	18 (5)
2012—2022	Італія	49 (2)
¹ Колькасьць гульняў і галоў за прафэсійны клюб лічыцца толькі для нацыянальнай лігі, адкарэктавана на 25 траўня 2025.

Кар’ера

Клюбная

Алесандра зьяўляецца выхаванцам моладзевай акадэміі «Ромы», дэбютаваў у асноўнай камандзе ў пераможнай гульні супраць «Сампдорыі» 22 траўня 2011 году, замяніўшы Франчэска Тоцьці^[5]. Улетку 2011 году ён быў адпраўлены ў арэнду ў клюб Сэрыі B «Кратонэ», за які дэбютаваў 27 жніўня 2011 году, забіўшы адзін мяч сваёй каманды, дзе «Кратонэ» трывала паразу зь лікам 1:2 ад «Ліворна». 22 чэрвеня 2012 году «Кратонэ» выкупіў палову правоў на гульца 250 тысячаў эўра^[6]. Аднак 6 ліпеня «Рома» вярнула поўны кантроль над кантрактам гульца за 1,25 млн эўра^[7].

Вярнуўшыся ў «Рому», Флярэнці забіў свой першы гол за «джаляросьсі» ў пераможнай гульні супраць «Інтэру» 2 верасьня 2012 году, матч скончыўся зь лікам 3:1.

Міжнародная

14 лістапада 2012 году Флярэнці дэбютаваў за нацыянальную зборную Італіі ў таварыскай гульні супраць зборнай Францыі.

Дасягненьні

«Пары Сэн-Жэрмэн»:

• Уладальнік Кубка Францыі: 2021
• Уладальнік Супэркубка Францыі: 2020

«Мілян»:

• Чэмпіён Італіі: 2022