Анджэй Струміла

А́нджэй Струмі́ла (па-польску: Andrzej Strumiłło; 23 кастрычніка 1927^[1], Вільня^[2] — 9 красавіка 2020, Сувалкі^[3]) — польскі маляр беларускага паходжаньня, графік, скульптар, фатограф, паэт, пісьменьнік, сцэнограф. Ляўрэат залатога мэдалю «За заслугі ў культуры Глёрыя Артыс»^[4].

Анджэй Струміла
Анджэй Струміла (2013)
Дата нараджэньня	23 кастрычніка 1927
Месца нараджэньня	Вільня
Дата сьмерці	9 красавіка 2020 (92 гады)
Месца сьмерці	Сувалкі
Месца пахаваньня	Магдалянова[d]
Месца вучобы	Акадэмія прыгожых мастацтваў у Лодзі[d] Кракаўская акадэмія мастацтваў[d]
Занятак	малярства, графіка, фатаграфія, паэзія, скульптура, сцэнаграфія
Месца працы	Кракаўская акадэмія мастацтваў[d]
Сябра ў	Саюз польскіх мастацкіх фатографаў[d]
Узнагароды
Анджэй Струміла ў Вікісховішчы

Вікіпэдыя мае артыкулы пра іншых асобаў з прозьвішчам Струміла (неадназначнасьць).

Жыцьцяпіс

Дзяцінства правёў у родным засьценку маці — Суданах пад Сьвянцянамі^[5]. Да II сусьветнай вайны быў міністрантам у касьцёле сьвятых Пятра і Паўла на Антокалі. Навучаўся ў Дзяржаўнай вышэйшай школе плястычных мастатцваў у Лодзі, а ў 1950 року атрымаў дыплём выпускніка Акадэміі прыгожых мастацтваў у Кракаве.

У 1949—1953 працаваў асыстэнтам у абодвух вучэльнях. З 1956 року праектаваў выставачныя павільёны для Польскай гандлёвай палаты.

У 1977—1980 — кантрактны прафэсар кракаўскай АПМ, у 1987—1988 — выкладчык сувалкаўскай філіі Акадэміі каталіцкай тэалёгіі. У 1982—1984 займаў пасаду кіраўніка графічнай майстэрні пры сакратарыяце Арганізацыі Аб’яднаных Нацыяў у Нью-Ёрку. Вярнуўшыся ў Польшчу, пасяліўся на Чорнай Ганчы, «каб быць бліжэй да Вільні»^[1][5].

Творчасьць

Выдаў два зборнікі паэзіі: Moje і Jak. У 2008 року выйшаў збор артыкулаў і ілюстрацыяў Factum est (па-лацінску: Стала так), а ў 2009 — «Ja. Poezje wybrane». Разам з Чэславам Мілашам і Томасам Вэнцлавам быў ініцыятарам выданьня «Кнігі Вялікага Княства Літоўскага» — зборніку эсэ беларускіх, летувіскіх і польскіх аўтараў.

У 2008 року ў Сувалках адкрылася галерэя мастака, дзе выстаўленыя карціны, скульптуры, фатаздымкі і рысункі Анджэя Струмілы^[6][7].

Узнагароды

• Прэмія Міністэрства культуры і мастацтва II ступені (1969)
• Дзяржаўная прэмія II ступені (1974)