Андрэй Стрыжак

Андрэй Сяргеевіч Стрыжак (нар. 23 чэрвеня 1985 г.) — беларускі грамадзкі дзеяч і праваабаронца.

Андрэй Стрыжак
Дата нараджэньня	23 чэрвеня 1985(1985-06-23)[1] (40 гадоў)
Месца нараджэньня	Рэчыца, Гомельская вобласьць, БССР, СССР[2]
Месца вучобы	Гомельскі дзяржаўны ўнівэрсытэт
Занятак	палітычны актывіст, праваабаронец, грамадзкі дзяяч
Сябра ў	Беларускі фонд салідарнасьці[d] і Беларускі фонд дапамогі[d]
Узнагароды
Андрэй Стрыжак у Вікісховішчы

Біяграфія

Нарадзіўся ў Рэчыцы, у 90-я гг. з бацькамі жыў у Польшчы і Нямеччыне, ад 2003 г. жыў у Гомлі^[3]. Паступіў у Гомельскі дзяржаўны ўнівэрсытэт, факультэт расейскай філялёгіі, але быў адлічаны, паводле ўласных сьцьверджаньняў, па палітычных матывах^[3].

Ад 2001 г. займаўся палітычным актывізмам. У 2007-м уступіў у незалежны прафсаюз працаўнікоў радыёэлектроннай прамысловасьці, заняўся праваабарончай дзейнасьцю, абараняў інтарэсы сяброў арганізацыі ў судзе.

У 2015 г., падчас Вайны на Данбасе, стварыў ініцыятыву «Гуманітарны маршрут Беларусь — АТА», якая пяць гадоў пастаўляла гуманітарную дапамогу ў Данбас. Займаўся дакумэнтацыяй ваенных злачынстваў.

З 2017 г. быў адным з арганізатараў ініцыятывы BYhelp, якая зьбірала сродкі і супрацьдзейнічала закону «аб дармаедах».

У сакавіку 2020 г., падчас пандэміі COVID-19, стаў адным з арганізатараў валянтэрскай ініцыятывы #BYCOVID19, якая займалася дапамогай мэдычным установам у Беларусі, пастаўкай сродкаў супрацьвіруснай індывідуальнай абароны^[4].

Калі ў тым жа годзе пачаліся масавыя рэпрэсіі пасля прэзыдэцкіх выбараў, быў стваральнікам фонду салідарнасьці BYSOL, які арганізуе збор сродкаў для падтрымкі пацярпелых ад рэпрэсій, а таксама праводзіць эвакуацыю зь Беларусі людзей, якім пагражаюць рэпрэсіі. З пачаткам паўнамаштабовай вайны ва Украіне ў 2022 г. фонд уключыўся ў дапамогу Украіне.

Зь ліпеня 2022 г. жыве ў эміграцыі^[3].

Перасьледуецца рэжымам Лукашэнкі за нібыта «фінансаваньне экстрэмісцкай дзейнасьці»^[5] і «фінансаваньне і матэрыяльнае забесьпячэньне ўзброенага канфлікту і ваенных дзеяньняў на тэрыторыі сумежнай дзяржавы»^[6]. У 2025 годзе Андрэй Стрыжак быў завочна прыгавораны да 18 гадоў пазбаўленьня волі ды штрафу^[7].

Узнагароды

• Мэдаль да стагодзьдзя БНР (2018)^[8]

Прыватнае

Мае ў тым ліку ўкраінскія карані^[3]. Мае дзіця.