Данбас

Данба́с (скарачэньне ад „Данецкі басэйн“; па-расейску: Донбасс, па-ўкраінску: Донбас) — гісторыка-геаграфічная вобласьць у межах Данецкага вугальнага басэйну з значнымі запасамі карысных выкапняў (найперш — вугалю). Уключае значныя часткі Данецкай і Луганскай абласьцей Украіны, а таксама заходнюю частку Растоўскай вобласьці Расейскай Фэдэрацыі^[1][2]. Буйны цэнтар вугальнай прамысловасьці, чорнай і каляровай мэталюргіі Ўкраіны. Самы ўрбанізаваны рэгіён Украіны і адзін з найбольш урбанізаваных у сьвеце (мескае і местачковае насельніцтва складае да 90% жыхароў).

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Данбас (неадназначнасьць).

Данбас

прамысловы рэгіён, рэгіён Украіны, спрэчная тэрыторыя, рэгіён, гістарычная вобласьць

Імя	Донеччина, Донбасс
Названа ў гонар	Северскі Данец, Данецкі каменнавугальны басэйн
Тэкст дэвізу	Донбасс порожняк не гонит
Краіна	Украіна
Адміністрацыйная адзінка	Украіна, Расея
Знаходзіцца ў межах сучаснай адміністрацыйна-тэрытарыяльнай адзінкі	Украіна, Расея
Цяперашняе месцазнаходжаньне	Данецкі краж
Геаграфічныя каардынаты
Адміністрацыйныя адзінкі	Данецкая вобласьць, Луганская вобласьць
Катэгорыя мапаў	Катэгорыя:Мапы Данбасу

Геаграфія

Данбас разьмешчаны на ўсходзе Ўкраіны і адміністрацыйна ахоплівае часткі Данецкай і Луганскай абласьцей, якія палягаюць у межах Данецкага вугальнага басэйну, а таксама места Марыюпаль на беразе Азоўскага мора. Часам да Данбасу таксама адносяць заходныя месты Растоўскай вобласьці Расейскай Фэдэрацыі (напрыклад, Таганрог або Шахты).

Аднак, паколькі дакладна вызначыць межы Данбасу складана, да ягонага складу адносяць усе тэрыторыі Данецкай і Луганскай абласьцей. Такім чынам, ягоная плошча складае каля 53,2 тыс. км².

Хаця Паўлаградзкі раён Дняпроўскай вобласьць таксама знаходзіцца ў межах Данецкага вугальнага басэйну, ён не належыць да Данбасу.

Карысныя выкапні

Данбас вылучаецца значнымы запасамі разнастайных карысных выкапняў, а менавіта:

• каменны вугаль
• каменная соль
• калійная соль
• вогнетрылавыя гліны

Аснова эканомікі Данбасу — каменны вугаль, які здабываюць у капальнях, глыбіна якіх часьцей за ўсё складае ад 50 да 200 мэтраў, трапляюцца капальні глыбінёй да 1 км.