Андрэй Штыгель

Андрэй Штыгель (нар. 22 чэрвеня 1994 году) — колішні беларускі футбаліст, паўабаронца.

Андрэй Штыгель
Пэрсанальная інфармацыя
Нарадзіўся	22 чэрвеня 1994(1994-06-22)[1] (31 год) Горадня, Беларусь
Рост	180 см
Вага	70 кг
Пазыцыя	паўабаронца
Клюбы
Гады	Клюб	Гульні (галы)¹
2015	Нёман Горадня	3 (0)
2015	→ Ліда	15 (3)
2016	Ліда	24 (1)
2017	Нафтан	24 (0)
2018	Гомель	15 (1)
2019	Нафтан	25 (3)
2021	Смаргонь	20 (0)

Кар’ера

Выхаванец гарадзенскай СДЮШАР-6. З 2010 году выступаў за дубль мясцовага «Нёмана». У 2012 годзе перайшоў у менскае «Дынама». Спачатку выступаў за фарм-клюб «Дынама-2», а пасьля таго, як той спыніў існаваньне пасьля сэзону 2012 году, далучыўся да дубля дынамаўцаў, дзе трывала гуляў цягам двух гадоў. З студзеня 2015 году трэнаваўся разам зь «Нёманам». 4 сакавіка 2015 году падпісаў кантракт з гарадзенскім клюбам^[2]. 18 красавіка 2015 году дэбютаваў у Найвышэйшай лізе, выйшаўшы на замену на 87-й хвіліне ў матчы супраць «Гомля» (0:0). Аднак, замацавацца ў элітным дывізіёне ня здолеў, за паўгады толькі тры разы выйшаў на замену ў асноўнай камандзе, але гуляў пераважна за дубль.

У жніўні 2015 году быў аддадзены ў арэнду «Лідзе» да канца сэзону^[3]. У лютым 2016 году пакінуў «Нёман»^[4], але ўжо ў сакавіку 2016 году падпісаў кантракт зь «Лідай»^[5]. У студзені 2017 году пачаў падрыхтоўку да новага сэзону зь «Лідай», але пазьней пакінуў каманду^[6], каб адправіцца на прагляд у «Нафтан». У лютым 2017 году далучыўся да наваполацкага клюбу^[7]. У студзені 2018 году падпісаў кантракт з клюбам «Гомель»^[8]. З 2019 году выступае за наваполацкі «Нафтан»^[9]. У першай палове сэзону 2017 году выходзіў на замену, а таксама гуляў за дубль. Усё ж такі пазьней замацаваўся ў асноўным складзе на пазыцыі апорнага паўабаронцы. У студзені 2018 году далучыўся да «Гомля» і неўзабаве склаў працоўную дамову^[10]. У складзе гомельскай каманды пачаў пераважна выходзіць на замену. У студзені 2019 году пакінуў «Гомель»^[11]. Неўзабаве пасьля зыходу з «Гомля» накіраваўся на прагляд у «Нафтан» і ў выніку зноў стаў гульцом наваполацкага клюбу, дзе гуляў пераважна ў стартавым складзе.

У студзені 2020 году паводле справы аб дагаварных матчах быў дыскваліфікаваны АБФФ на адзін год^[12]. У ліпені 2020 году паводле вынікаў крымінальнай справы быў прысуджаны да 2 гадоў выпраўленчых работ^[13]. У пачатку 2021 году, па заканчэньні дыскваліфікацыі, стаў гульцом «Смаргоні», дзе гуляў у асноўным складзе. У сьнежні 2021 году за паўторную спробу маніпуляцыі вынікамі футбольных матчаў атрымаў пажыцьцёвую дыскваліфікацыю^[14].

Статыстыка

Клюб	Сэзон	Чэмпіянат
		Дывізіён	Матчы	Галы
Нёман	2015	Найвышэйшая ліга	3	0
Ліда		Першая ліга	15	3
	2016	Першая ліга	24	1
Нафтан	2017	Найвышэйшая ліга	24	0
Гомель	2018	Найвышэйшая ліга	15	1