Анхэля Эсьпіноса Руіс

Анхэля Эсьпіноса Руіс (па-гішпанску: Ángela Espinosa Ruiz; [[{{{3}}}|{{{3}}}]][[Катэгорыя:Нарадзіліся Памылка: няслушны час.]][[Катэгорыя:Нарадзіліся ў {{{3}}} годзе]] 6 лютага 1993, Маляга, Гішпанія) — гішпанская беларускамоўная паэтка^[2].

Анхэля Эсьпіноса Руіс
Ángela Espinosa Ruiz
Анхэля Эсьпіноса Руіс у 2015 годзе
Асабістыя зьвесткі
Нарадзілася	6 лютага 1993(1993-02-06)[1] (32 гады) Маляга, Андалюзія, Гішпанія
Літаратурная дзейнасьць
Род дзейнасьці	паэтка, пісьменьніца
Мова	беларуская мова
Узнагароды	Прэмія імя Міхася Стральцова (2019)
Анхэля Эсьпіноса Руіс у Вікісховішчы

Біяграфія

Скончыла ў 2011 г. школу з гуманітарным профілем (з лацінскай і старагрэцкай мовамі) і музычную школу. Скончыла Славянскую філялёгію ў Гранадзкім унівэрсытэце ў 2015 годзе. Магістрантка на катэдры Беларускай філялёгіі Варшаўскага ўнівэрсытэту.

Ляўрэат журналісцкай прэміі «Беларусь у фокусе» (2011), фіналістка паэтычнага конкурсу «Эксьлібрыс» імя Рыгора Барадуліна 2015 году. У тым самым годзе апублікавала зборнік вершаў «Раяль ля мора» ў Менску і электронны зборнік «Памяць пра будучыню». Вершы друкаваліся ў часопісе «Маладосць», «Дзеяслоў», газэце «Наша Ніва».

У 2017 годзе зрабіла пераклад на гішпанскую мову вершаў Максіма Багдановіча^[3].

Прэміі і ўзнагароды

• 2011 год — журналісцкая прэмія «Беларусь у фокусе».
• 2019 год — Прэмія імя Міхася Стральцова, «За пачуцьцёвае і мэтафарычнае багацьце паэтычнай мовы і адважнае імкненьне асэнсаваць таемнасьць беларускага быцьця». Арганізатыры прэміі: ГА «Саюз беларускіх пісьменьнікаў» і ГА «Беларускі ПЭН-цэнтар»^[4].

Бібліяграфія

• «Раяль ля мора» (выд. «Логвінаў», 2015 г.) — зборнік прозы і паэзіі.
• «Ecos de mi tierra» (па-беларуску: «Згукі маёй Бацькаўшчыны», выд. «Ediciones Irreverentes», Гішпанія, 2017 г.) — зборнік абраных вершаў Максіма Багдановіча на беларускай і гішпанскай мовах, у перакладзе Анхэлі Эсьпіносы Руіс. У зборнік ўвайшло 30 вершаў розных гадоў, гістарычныя матэрыялы пра жыцьцё і творчасьць паэта.
• «Pomme de ciel» (па-беларуску: «Нябесны яблык», выд. «Кнігазбор», 2017 г.) — зборнік паэзіі.
• «Колер крылаў. Паэзія і проза» (выд. «Кнігазбор», 2019 г.) — у кнігу ўвайшлі паэтычныя творы (як новыя, так і выбраныя з ранейшых кніг), а таксама апавяданьні, калюмністыка. Асобным раздзелам прадстаўлены пераклады з бэнгальскай, ангельскай, гішпанскай, польскай, расейскай, чэскай і японскай моваў.

Вонкавыя спасылкі

• Алег Грушэцкі (22 сьнежня 2018) «Беларускамоўны» юбілей. Іспанская кроў і беларускае сэрца. Новы час. Праверана 16 лютага 2019 г.