Варшаўскі ўнівэрсытэт

Варшаўскі ўнівэрсытэт (па-польску: Uniwersytet Warszawski) — адзін з найстарэйшых і найбуйнейшых унівэрсытэтаў у Польшчы.

Варшаўскі ўнівэрсытэт
Uniwersytet Warszawski
Лягатып
па-лацінску: Universitas Varsoviensis
Заснаваны	19 лістапада 1816
Велічыня фонду	$132 000 000
Рэктар	Катажына Халасінска-Мацукаў
Колькасьць студэнтаў	56 663 (лістапад 2006)
Колькасьць асьпірантаў	2148
Месцазнаходжаньне
Геаграфічныя каардынаты	52°14′25″ пн. ш. 21°1′9″ у. д.
Горад	Варшава
Краіна	Польшча
Знаходзіцца ў складзе	Эразмус, ЭАУ
Вэб-сайт	uw.edu.pl
Варшаўскі ўнівэрсытэт у Вікісховішчы
Варшаўскі ўнівэрсытэт на мапе Польшчы Варшаўскі ўнівэрсытэт

Беларусазнаўства

Загадчыкам беларускае філялёгіі была прызначана прафэсар Антаніна Яблонская, якая прыцягнула да супрацоўніцтва выпускніцу Менскага ўнівэрсытэта імя Уладзімера Леніна Лідзію Базылюк і праз нейкі час — Аляксандра Баршчэўскага з Лодзі^[1]. Набор вучняў да ВНУ займаліся ГП БГКТ і дырэкцыі ліцэяў у Бельску і Гайнаўцы. Пасьля просьбаў Варшаўскага аддзелу БГКТ і з дапамогаю пасольства СССР, 16 кастрычніка 1956 году прыбылі зь Менску прафэсары Мікалай Бірыла і Васіль Тарасаў — выкладчыкі беларускае мовы і гісторыі літаратуры. На вакзале ў Варшаве сустрэлі іх прафэсар Антаніна Яблонская, прадстаўнікі міністэрства ўнутраных спраў Польшчы, ад БГКТ — Анатоль Якаўлюк і Юры Туронак, таксама студэнткі Ганна Багроўская, Вольга Федаровіч, Валянціна Амельянчук і Надзея Васілюк. Пасьля сустрэчы Юры Туронак запісаў у сваім дзёньніку: «Плян выкананы на 100% — маем памяшканьне і філалёгію»^[1].

На красавік 2012 г. ва ўнівэрсытэце працавала катэдра беларускай філялёгіі^[2].

Выпускнікі

• Людвік Замэнгоф (1885) — стваральнік штучнай мовы эспэранта
• Вітальд Гамбровіч (1927) — пісьменьнік
• Мэнахем Бэгін (1935) — 7-ы прэм’ер-міністар Ізраілю (1977—1983), ляўрэат Нобэлеўскай прэміі міру (1978)
• Леанід Гурвіч (1938) — ляўрэат Нобэлеўскай прэміі па эканоміцы (2007)
• Ян Альшэўскі (1953) — 3-ы прэм’ер-міністар Польшчы (1991—1992)
• Браніслаў Герэмек (1954) — 5-ы міністар замежных справаў Польшчы (1997—2000)
• Рышард Капусьцінскі (1955) — пісьменьнік
• Павал Вечаркевіч (1971) — гісторык
• Лех Качынскі (1971) — 4-ы прэзыдэнт Польшчы (2005—2010)
• Яраслаў Качынскі (1971) — 13-ы прэм’ер-міністар Польшчы (2006—2007)
• Уладзімеж Цімашэвіч (1972) — 8-ы прэм’ер-міністар Польшчы (1997—1998)
• Ганна Гранкевіч-Вальц (1975) — старшыня Народнага банку Польшчы (1992—2001)
• Альфа Ўмар Канарэ (1975) — 3-ы прэзыдэнт Малі (1992—2002)
• Браніслаў Камароўскі (1977) — 5-ы прэзыдэнт Польшчы (2010—2015)

Навучэнцы

• Дарота Маслоўска — пісьменьніца і журналістка
• Уладзімер Салавей — сьвятар усходняга абраду