Апонаўцы

Апо́наўцы^[2] — вёска ў Вярэнаўскім раёне Гарадзенскай вобласьці. Уваходзіць у склад Забалацкага сельсавету.

Апонаўцы
трансьліт. Aponaŭcy
Краіна:	Беларусь
Вобласьць:	Гарадзенская
Раён:	Вярэнаўскі
Сельсавет:	Забалацкі
Насельніцтва:	34 чал. (2009)[1]
Часавы пас:	UTC+3
Тэлефонны код:	+375 1594
СААТА:	4213817106
Нумарны знак:	4
Геаграфічныя каардынаты:	53°55′20″ пн. ш. 24°45′15″ у. д.
Апонаўцы на мапе Беларусі ± Апонаўцы Апонаўцы

Вёска знаходзіцца ў зоне пагранічнага кантролю^[3].

Гісторыя

З 2-й паловы ХІХ стагодзьдзя, вядомая як вёска ў Забалацкай воласьці Лідзкага павету Віленскай губэрні, уласнасьць графа М. Патоцкага.

Насельніцтва

• 2009 год — 34 жыхары^[1]

Славутасьці

За 500 м на паўночны ўсход ад вёскі, на пакатым узвышшы, выцягнутым з усходу на захад знаходзіцца безкурганны могільнік балтаў. Памеры 150x80 м. Датуецца XIII — XV стагодзьдзямі.

Вядома звыш 200 пахаваньняў, для іх характэрны каменныя муроўкі прамавугольнай або авальнай формы з 1—2 вялікімі камянямі ў галавах і нагах. У мужчынскіх пахаваньнях знойдзеныя баявыя сякеры, жалезныя нажы і кінжалы, крэсівы, паясныя рамяні, спражкі, у жаночых — срэбраныя (адзін з выявай птушкі) і бронзавыя пярсьцёнкі, скроневыя кольцы, бранзалеты і завушніцы, бразготкі, бронзавыя бляшкі рознай формы ад галаўнога ўбору, абшытыя дробнымі шклянымі пацеркамі, кавалкі тканіны адзеньня, праскія грошы XIV стагодзьдзя і літоўскія дэнары XIV—XV стагодзьдзяў.