Ап’яненьне

Ап’яне́ньне — хвароба, выкліканая ўжываньнем этанолю.

Ап’яненьне
Сынонімы	алькагольнае атручаньне
Спэцыяльнасьць	таксыкалёгія
Сымптомы	пот і пачашчаны пульс
Ускладненьні	дыхавіца і паралюш дыханьня
Звычайна праяўляецца	пачырваненьне твару
Прычыны	ужываньне этанолю
Лекі	4%-ая рашчына соды, вітаміны, мэтадаксіл і тыясульфату натру
Ап’яненьне ў Вікісховішчы

Пагражае сьмерцю ад паралюшу дыханьня^[1].

Праявы

Прыкметамі ап’яненьня служаць патлівасьць, пачырваненьне твару, бляск вачэй і пачашчаны пульс. Таксама адзначаецца гучнае прамаўляньне, зьніжэньне засяроджанасьці ўвагі і завышаная самаацэнка. Ваніты ўзьнікаюць у якасьці абарончага адказу арганізму на атручаньне. Абцяжарваюцца дыханьне і рух^[1].

Лячэньне

Пры лячэньні ад ап’яненьня ўнутрывенна праз кропельніцу ўводзяць 4%-ую рашчыну соды, гемадэз і полііённую рашчыну для вываду атруты. Таксама прызначаюць прыём 5%-ых рашчынаў такіх вітамінаў, як тыямін (Б1) па 2 мілілітры, пірыдаксін (Б6) і аскарбінавая кісьля (Ц). Унутрыцяглічна і ўнутрывенна праз кропельніцу цягам 1,5 гадзіны ўводзяць мэтадаксіл. Пасьля спыненьня прыёму сьпіртовых напояў прызначаюць унутрывеннае ўвядзеньне тыясульфату натру і дымэркапролу для абясшкоджваньня атруты^[1].