Аргела

Аргела (Аргель, Яргель, Аргуль, Аргла, Яргла) — мужчынскае імя.

Argelo
Паходжаньне
Мова(-ы)	германскія
Утворанае ад	Argo + суфікс з элемэнтам -л- (-l-)
Іншыя формы
Варыянт(ы)	Аргель, Яргель, Аргуль, Аргла, Яргла
Зьвязаныя артыкулы
якія пачынаюцца з «Арґела»

Паходжаньне

Асноўны артыкул: Імёны ліцьвінаў

Аргіла або Аргела (Argila, Argelo^[1]) — імя германскага паходжаньня^[2]. Іменная аснова -арг- (-ерг-) (імя ліцьвінаў Сударг; германскае імя Sudergo) паходзіць ад гоцкага arhvus 'лучнік'^[3].

Этымалягічны слоўнік старапольскіх асабовых імёнаў, выдадзены Польскай акадэміяй навук, адзначае гістарычнае бытаваньне ў Польшчы германскага імя Jargolowa^[3] (жаночая форма ад імя Jargol). Апроч таго, у Польшчы гістарычна бытавала імя Аргіла: Argilla (1417 год)^[4].

Варыянты імя ў гістарычных крыніцах: Ergel, des voythes dyener von Samaythen (1408 год)^[5]; Argeln son (16 і 21 чэрвеня 1409 году)^[6]; Argel dem Samaythen… Argel dem Littauwen (29 ліпеня і 20 жніўня 1409 году)^[7]; стрелцы Пунские… Оркгели Стецевичу (1557—1558 гады)^[8]; Andrzej Argłowicz… Józef Hrehorowicz Ergłowicz… Andrzej Orglewicz (1667 год)^[9]; Józef Ergłowicz (1690 год)^[10]; Anna Jergiel (1833 год)^[11].

Носьбіты

Аргулевічы (Argulewicz) — вольныя людзі зь вёскі Жарнэляў Віленскі павет, якія ўпамінаюцца ў XIX стагодзьдзі^[12].

Аргулевічы (Argulewicz) — літоўскі шляхецкі род зь Вільні^[13].

Аргловічы (Яргловічы, Арглевічы) — літоўскі шляхецкі род, які меў уладаньні на Жамойці.

Яргелевічы (Jargielewicz) — літоўскі шляхецкі род^[14].

На гістарычнай Случчыне існуе вёска Аргелаўшчына, у гістарычнай Прусіі — Аргелятэн.