Ар’еплюская царква

Ар’еплюская царква Сафіі Магдалены (па-швэдзку: Arjeplogs kyrka) — царква ў швэдзкім мястэчку Ар’еплюгу, у лэне Нарботэн. Зьяўляецца царквой Ар’еплюскага прыходу дыяцэзіі Люлеа.

Царква
Ар’еплюская царква Arjeplogs kyrka
Ар’еплюская царква
Краіна	Швэцыя
Месцазнаходжаньне	Ар’еплюг, лэн Нарботэн
Каардынаты	66°3′7″ пн. ш. 17°53′5″ у. д.
Канфэсія	лютэранства
Эпархія	Дыяцэзія Люлеа
Дата заснаваньня	1641
Дата пабудовы	1760 год
Статус	гістарычна-культурны царкоўны комплекс збудаваньняў[d][1]
Сайт	Афіцыйны сайт
Ар’еплюская царква на мапе Швэцыі Ар’еплюская царква
Ар’еплюская царква на Вікісховішчы

Гісторыя

Першая царква ў Ар’еплюгу была пабудаваная ў 1641 годзе, па загадзе каралевы Крыстыны^[2]. Першым яе пастарам быў Пэтрус Турдынус, які хутка памёр. Ягоны наступнік — Юганэс Уляі Гапстадыюс распачаў весьці перапіс прыхаджанаў. У 1662 годзе пастарам становіцца Юган Нікаляі Лэстадыюс — заснавальнік выбітнай сьвятарскай дынастыі Лэстадыюсаў.

У 1760 годзе быў пабудаваны новы будынак царквы, пафарбаваны чырвоным колерам. У 1894 годзе ён быў перабудаваны: між іншым, хор быў перанесены з усходняй часткі царквы ў заходнюю (цяпер у Швэцыі ўсяго дзьве такіх царквы). У 1896 годзе царква атрымала свой сучасны ружовы колер. Рэстаўравалася ў 1969—1970 гадох.

Галерэя

• 
  Ар’еплюская царква у 1900 годзе
• 
  Сучасны выгляд на возера Сэла і царкву
• 
  Выгляд на царкву
• 
  Алтар
• 
  Катэдра (1694 г.)