Ахова

Ахо́ва^[1] — вёска ў Пінскім раёне Берасьцейскай вобласьці. Цэнтар Ахоўскага сельсавету. На поўдзень ад вёскі праходзіць аўтастрада Гомель — Кобрынь М10.

Ахова
трансьліт. Achova
Царква ў 1863 годзе
Першыя згадкі:	1495
Краіна:	Беларусь
Вобласьць:	Берасьцейская
Раён:	Пінскі
Сельсавет:	Ахоўскі
Насельніцтва:	563 чал. (2009)
Часавы пас:	UTC+3
Тэлефонны код:	+375 165
Паштовы індэкс:	225764
СААТА:	1254880041
Нумарны знак:	1
Геаграфічныя каардынаты:	52°11′32″ пн. ш. 25°54′54″ у. д.
Ахова на мапе Беларусі ± Ахова Ахова
Галерэя здымкаў у Вікісховішчы

Гісторыя

• 1495 г. — першая згадка: кароль Казімер Ягелончык падараваў Ахова пінскаму францысканскаму манастыру (належала гэтаму каталіцкаму ордэну да другой трэці XIX ст.)^[2].
• 1758 г. — на сродкі францысканцаў пабудавана ўніяцкая царква з дрэва. У 1786 г. пасьля пажару перабудавана ў касьцёл. У 1864 г. касьцёл перабудаваны ў праваслаўны храм. У 1924 г. храм перайшоў да католікаў, а пасьля Другой сусьветнай вайны вярнуўся да праваслаўных^[2].
• Другая трэць XIX ст. — паселішча пераходзіць у дзяржаўную ўласнасьць, налічвалася каля 40 гаспадарак^[2].
• Пачатак XX ст. — у вёсцы знаходзілася народнае вучылішча^[2].
• 1920—1930-я гг. — дзейнічаў каапэратыў «Рольнік»^[2].
• 1990-я гг. — адбудавана капліца над крыніцай^[3].
• 29 сьнежня 2010 г. — вёска Ахова ператворана ў аграгарадок^[4].

Насельніцтва

• 2009 год — 563 жыхары
• 1999 год — 640 жыхароў
• 1998 год — 287 гаспадарак, 621 жыхар^[2]

Славутасьці

• Сьвята-Крыжаўзьвіжанская царква (1758) —  Гісторыка-культурная каштоўнасьць Беларусі, шыфр 112Г000550
• Старыя хрысьціянскія могілкі
• Капліца (1990-я гг.)
• Крыніца — помнік прыроды