Барыс Бокша

Бары́с Бо́кша (нар. 20 верасьня 1960, м. Шарашова, БССР) — беларускі графік.

Барыс Бокша
Барыс Бокша (2011 рок)
Дата нараджэньня	20 верасьня 1960(1960-09-20) (64 гады)
Месца нараджэньня	Шарашоў, Пружанскі раён, Берасьцейская вобласьць, БССР, СССР
Месца вучобы	Гарадзенскі дзяржаўны мэдыцынскі ўнівэрсытэт
Занятак	маляр, графік
Жанры	пэйзаж

Жыцьцяпіс

Нарадзіўся ў мястэчку Шарашове Пружанскага раёну Берасьцейскай вобласьці. У дванаццацігадовым узросьце пераехаў зь сям’ёй у Пружаны. Скончыўшы сярэднюю школу №2, паступіў у Гарадзенскі мэдінстытут, пасьля якога атрымаў накіраваньне ў Гомель.

З 1993 жыве ў Менску, узначальвае фірму «Беломнімэд»^[1].

Першая пэрсанальная выстава адбылася ў 2006 року ў менскім Палацы мастацтваў. У 2008 прайшла першая выстава на радзіме, у музэі-сядзібе «Пружанскі палацык».

Выстаўляўся за мяжой: у Браціславе, Будапэшце^[2], Бэрліне^[3].

Творчасьць

Пружанскі палацык. Малюнак Барыса Бокшы.

Асноўным чынам адлюстроўвае на карцінах беларускі пэйзаж. Асаблівае месца займаюць малюнкі з выявамі славутасьцяў Пружаншчыны: палацыку, Ружанскага палацу, капліцы сьвятога Казімера, чахецкае сядзібы^[4].