Бокшыцкі сельсавет

Бо́кшыцкі сельсавет — адміністрацыйна-тэрытарыяльная адзінка ў складзе Слуцкага раёну Менскай вобласьці. Адміністрацыйны цэнтар — вёска Запольле.

Бокшыцкі сельсавет
Агульныя зьвесткі
Краіна	Беларусь
Статус	сельсавет Беларусі[d]
Адміністрацыйны цэнтар	Запольле
Дата ўтварэньня	20 жніўня 1924
Насельніцтва	▼2396 чал. (2019)
Месцазнаходжаньне
Дадатковыя мультымэдыйныя матэрыялы

Гісторыя

20 жніўня 1924 году створаны Бокшыцкі сельсавет у складзе Слуцкага раёну Слуцкай акругі. Цэнтар — вёска Бокшыцы. З 9 чэрвеня 1927 году ў складзе Бабруйскай акругі. Пасьля скасаваньня акруговай сыстэмы 26 ліпеня 1930 году ў Слуцкім раёне БССР. З 21 чэрвеня 1935 году ў Слуцкім раёне Слуцкай акругі. Пасьля ўвядзеньня абласнога падзелу 20 лютага 1938 году ў Слуцкім раёне Менскай вобласьці. З 20 верасьня 1944 годуа па 8 студзеня 1954 году ў складзе Бабруйскай вобласьці. 10 траўняя 1960 году ў склад сельсавету з Вясейскага сельсавету перададзены 7 населеных пунктаў: Гарохаўка, Кулікі, пасёлак ільнозавода, Малая Падзер, Міхейкі, Новая Ніва і Прошчыцы^[1]. 23 красавіка 1984 году цэнтар сельсавету перанесены ў вёску Запольле.

Згодня перапісу 2009 году насельніцтва сельсавету — 2684 чалавекі^[2], зь іх 93,9 % — беларусы, 2,8 % — расейцы^[3].