Браніслаў (вёска)

Бранісла́ў^[2] — вёска ў Жыткавіцкім раёне Гомельскай вобласьці, за 4 км на поўдзень ад шашы М10. Браніслаў уваходзіць у склад Людзяневіцкага сельсавету.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Браніслаў.

Браніслаў
трансьліт. Branislaŭ
Першыя згадкі:	XVIII стагодзьдзе
Краіна:	Беларусь
Вобласьць:	Гомельская
Раён:	Жыткавіцкі
Сельсавет:	Людзяневіцкі
Вышыня:	130 м н. у. м.
Насельніцтва:	194 чал. (2009)[1]
Часавы пас:	UTC+3
Тэлефонны код:	+375 2353
Паштовы індэкс:	247971
СААТА:	3216820007
Нумарны знак:	3
Геаграфічныя каардынаты:	52°12′5″ пн. ш. 27°36′5″ у. д.
Браніслаў на мапе Беларусі ± Браніслаў Браніслаў
Галерэя здымкаў у Вікісховішчы

Гісторыя

Хутар Браніслаў быў заснаваны дзесьці ў XVIII стагодзьдзі. Браніслаў складаўся фактычна з трох вёсак, якія зь цягам часу зьліліся ў адну. Цэнтральная частка яе, уласна Браніслаў; другая вёска — Сьвірнішча, дзе стаялі сьвірны; Капліца — там разьмешчаны вясковыя могілкі з капліцаю.

У 1922 годзе была пабудавана школа, адкрыта аддзяленьне сувязі. З 1929 году пачаў працу мэдыцынскі пункт. У канцы 1929 году быў створаны калгас «Прамень камуны». У 1936 годзе калгас наведваў старшыня савету народных камісараў Беларусі А. Р. Чарвякоў.

У 1931 годзе пабудавалі клюб, у ім мелася бібліятэка. У 1935 годзе адкрыта новая школа — сем клясаў, піянэрскі пакой, спартовая заля, сталовая, майстэрня, два пакоі для настаўнікаў. У старым будынку школы быў разьмешчаны радзільны дом і фэльчарска-акушэрскі пункт. Падчас Другой сусьветнай вайны немцы разабралі школу, бярвеньне выкарыстоўвалі на бліндажы і ўмацаваньні на чыгунцы. Зь ліпеня 1941 году па 7 ліпеня 1944 году вёска была акупаваная нямецкімі захопнікамі. У гады Вялікай Айчыннай вайны тут дзейнічала патрыятычнае падпольле.

Да 26 верасьня 2006 году — цэнтар Браніслаўскага сельсавету. 26 верасьня 2006 году разам зь іншымі населенымі пунктамі ліквідаванага Браніслаўскага сельсавету перададзеная ў склад Людзяневіцкага сельсавету^[3].

Насельніцтва

• XX стагодзьдзе: 1908 год — хутар: 140 жыхароў; 1924 год — хутар: 28 двароў, 186 жыхароў; 1994 год — вёска: 138 двароў, 293 жыхары; 1999 год — 258 жыхароў
• XXI стагодзьдзе: 2009 год — 194 жыхары^[1]

Транспарт

За 2 км на поўнач ад вёскі маецца чыгуначная станцыя Браніслаў на Палескай чыгунцы.

Вуліцы

• Зарэчная вуліца
• Лясная вуліца
• Моладзевая вуліца
• Першамайская вуліца