Брытанскія Віргінскія астравы
брытанская заморская тэрыторыя ў Карыбскім басэйне From Wikipedia, the free encyclopedia
Remove ads
Брыта́нскія Віргі́нскія астравы (па-ангельску: British Virgin Islands) — брытанская калёнія ў Цэнтральнай Амэрыцы, у Карыбскім моры. У калёнію ўваходзяць 36 астравоў (зь якіх 11 незаселеныя), якія знаходзяцца ў паўночнай частцы архіпэлягу Віргінскія астравы. Самыя вялікія астравы гэта Тартола — 54км², Анэгада — 39 км², Віргін Горда — 21 км² і Джост Ван Дайк — 8 км².
Агульная плошча калёніі складае 153 км², насельніцтва налічвае 22,6 тыс. чалавек, зь якіх 1/3 жыве ў сталіцы (і адзіным горадзе) — Роўд Таўне, якая знаходзіцца на высьпе Тартола.
Насельніцтва займаецца сельскай гаспадаркай і рыбнай лоўляй. У апошнія гады разьвіцьцё атрымаў і турызм (астравы наведваюць каля 100 тыс. турыстаў штогод).
Брытанскія Віргінскія астравы зьяўляюцца адным з самых папулярных «падатковых раяў». У 2004 годзе тут было зарэгістравана каля 550 тыс. фірмаў (прыкладна па 24 фірмы на кожнага жыхара астравоў). Гэта складае прыкладна 40% усіх афшорных фірмаў у сьвеце. Прыбытак астравоў ад абслугоўваньня гэтых фірмаў значна перавышае прыбытак ад турызму.
Віргінскія астравы былі адкрытыя ў 1493 годзе Хрыстафорам Калюмбам. У 1648 годзе Тартола была калянізаваная галяндцамі, але ў 1666 годзе яны былі перададзеныя Вялікабрытаніі. У 1866 годзе астравы афіційна атрымалі статус брытанскай калёніі, а з 1967 году атрымалі ўнутраную аўтаномію.
Remove ads
Вонкавыя спасылкі
Брытанскія Віргінскія астравы — сховішча мультымэдыйных матэрыялаў
Wikiwand - on
Seamless Wikipedia browsing. On steroids.
Remove ads