Бэнту-Гансалвэс

Бэ́нту-Ганса́лвэс (па-партугальску: Bento Gonçalves) — горад у Бразыліі, які месьціцца ў штаце Рыю-Грандзі-ду-Сул. Паводле зьвестак на 2020 год насельніцтва гораду складала каля 121 тысячы чалавек^[2]. Горад славіцца вырабам віна і мае мянушку «сталіцы віна Бразыліі».

Бэнту-Гансалвэс
Герб Бэнту-Гансалвэсу Сьцяг Бэнту-Гансалвэсу
Дата заснаваньня:	11 кастрычніка 1890
Краіна:	Бразылія
Штат:	Рыю-Грандзі-ду-Сул
Плошча:	274 км²
Вышыня:	690 м н. у. м.
Насельніцтва:	▲127 977 чал. (1 ліпеня 2025)[1]
Тэлефонны код:	54
Паштовы індэкс:	95700-000
Геаграфічныя каардынаты:	29°10′15″ пд. ш. 51°31′8″ з. д.
Бэнту-Гансалвэс на мапе Бразыліі Бэнту-Гансалвэс
Галерэя здымкаў у Вікісховішчы
http://www.bentogoncalves.rs.gov.br/

Гісторыя

У 1875 годзе бразыльскі ўрад вырашыў стварыць у штаце чатыры новыя населеныя пункты, якія пераважна засялілі італьянскія імігранты. Адным з такіх паселішчаў была вёска Дона-Ізабэл. Першыя жыхары населенага пункту паходзілі з італьянскай правінцыі Трэнта. У наступныя дзесяцігодзьдзі колькасьць засяленцаў павялічылася за кошт новых каляністаў, гэтым разам з рэгіёнаў Вэнэта, Трэнтына і Лямбардыі. У 1890 годзе вёска атрымала статус гораду, а назва зьмянілася на Бэнту-Гансалвэс. Чыгуначная станцыя была пабудаваная ў 1919 годзе, а пазьней, з прыбыцьцём мігрантаў зь іншых краінаў Эўропы, пачалася індустрыялізацыя места.