Бэнэдыкт Гёвэдэс

Бэнэды́кт Гёвэдэс (па-нямецку: Benedikt Höwedes; нар. 29 лютага 1988 году, Гальтэрн-ам-Зээ, ФРН) — былы нямецкі футбаліст, абаронца. Мае на сваім рахунку выступы ў складзе нацыянальнай зборнай Нямеччыны. Вызнаваўся як адзін зь лепшых абаронцаў Нямеччыны^[5].

Бэнэдыкт Гёвэдэс
Пэрсанальная інфармацыя
Нарадзіўся	29 лютага 1988(1988-02-29)[1][2][3] (37 гадоў) Гальтэрн-ам-Зээ[d], Рэклінггаўзэн[d], Мюнстэр[d], Паўночны Райн — Вэстфалія, Заходняя Нямеччына[4]
Рост	187 см
Вага	82 кг
Пазыцыя	цэнтральны абаронца
Клюбы
Гады	Клюб	Гульні (галы)¹
2007—2009	Шальке 04 II[d]	15 (0)
2007—2018	Шальке-04	240 (12)
2017—2018	→ Ювэнтус	3 (1)
2018—2020	Лякаматыў Масква	35 (3)
Зборныя
2007	Нямеччына (да 20)[d]	1 (0)
2007—2010	Нямеччына (да 21)[d]	23 (3)
2011—2017	Нямеччына	44 (2)

Кар’ера

Клюбная

У 2001 годзе Гёвэдэс трапіў у акадэмію «Шальке». У 2003 годзе, зьяўляючыся капітанам каманды «Шальке» да 19 гадоў, стаў чэмпіёнам краіны ў гэтым узросьце. У студзені 2007 году падпісаў прафэсійны кантракт з клюбам да 2010 году. 3 кастрычніка 2007 году дэбютаваў у складзе «Шальке» ў выязным матчы супраць «Русэнборгу» з Тронгэйму ў Лізе чэмпіёнаў. А праз тры дні матчам з «Карльсруэ» Бэнэдыкт дэбютаваў і ў Бундэсьлізе.

19 кастрычніка 2008 году ў восьмым туры чэмпіянату, у матчы супраць «Гамбургу» Бэнэдыкт забіў свой першы гол у Бундэсьлізе і наогул за «Шальке». У сьнежні 2008 году гулец падоўжыў кантракт з гельзэнкірхэнцамі да 2014 году. 9 сакавіка 2013 году Гёвэдэс падоўжыў кантракт з клюбам да 2017 году^[6].

Міжнародная

29 траўня 2011 году ў матчы зборных Нямеччыны й Уругваю дэбютаваў за нямецкую зборную, адыграўшы на поле 24 хвіліны. Пасьля ўдзелу ў трох матчах кваліфікацыі да чэмпіянату сьвету 2014 году Гёвэдэс быў абраны ў сьпіс 23 гульцоў на фінальны турнір^[7]. У першым матчы групавога раўнду Бэнэдыкт выйшаў у стартавым складзе ў матчы супраць зборнай Партугаліі. Пазьней ён стаў перамоцам турнір разам са сваёй камандай. Гёвэдэс стаўся адным з трох нямецкіх гульцоў, якія адгулялі кожную хвіліну ўсіх сямі матчаз чэмпіянату разам з брамнікам Мануэлем Ноерам і капітанам абаронцам Філіпам Лямам.

Дасягненьні

«Шальке-04»:

• Уладальнік Кубка Нямеччыны: 2011
• Уладальнік Супэркубка Нямеччыны: 2011

«Ювэнтус»:

• Чэмпіён Італіі: 2018
• Уладальнік Кубка Італіі: 2018

«Лякаматыў»:

• Уладальнік Кубка Расеі: 2019
• Уладальнік Супэркубка Расеі: 2019

Нямеччына:

• Чэмпіён сьвету: 2014