Біфітат

Біфітат — беларускі кісламалочны напой з каровінага малака і закваскі на аснове бактэрыяў ацыдафільнай палачкі і біфідабактэрыяў^[1].

Біфітат
Тып	напой
Нацыянальная страва	беларуская
Паходжаньне	Беларусь
Рэгіён	Усходняя Эўропа
Аўтар	Натальля Жабанос, Вольга Ласкаўнёва і Людміла Сафроненка
Вырабнік	«Мазырскія малочныя прадукты» і «Малочны сьвет» (Горадня)
Дата зьяўленьня	30 сьнежня 2002 (22 гады таму)
Час прыгатаваньня	12 гадзінаў
Асноўны складнік	каровіна малако
Распаўсюджаныя складнікі	ацыдафільныя палачкі і біфідабактэрыі
Энэргетычная каштоўнасьць (у 100 г)	55 ккал (230 кДж)
Харчовая каштоўнасьць (у 100 г)	Бялкі: 3,1 г Тлушчы: 2,5 г Вугляводы: 4,7 г
Падобныя стравы	біфідабакт

Пры канцы тэрміну прыдатнасьці зьмяшчае прынамсі мільён прабіятычных мікраарганізмаў, у тым ліку біфідабактэрыяў, і 10 млн ацыдафільных палачак на грам напою. Выкарыстоўваецца для пастаяннага аздараўленчага харчаваньня дарослых і дзяцей. Мае тлустасьць ад 2,5 да 3,5 %. Тэрмін захоўваньня ў лядоўні складае ад 5 дзён у полістыролавым кубку^[1] да 10 дзён у пюр-паку^[2] і да 15 дзён у плястыкавай пляшцы^[3]. 30 сьнежня 2002 году Натальля Жабанос, Вольга Ласкаўнёва і Людміла Сафроненка атрымалі аўтарства на патэнт біфітата ў якасьці супрацоўніцаў «Беларускага навукова-дасьледчага і канструктарска-тэхналягічнага інстытуту мясной і малочнай прамысловасьці» Нацыянальнай акадэміі навук Беларусі^[4].