Валеры Цыганенка

Валеры Цыганенка (нар. 21 ліпеня 1981 году) — колішні беларускі футбаліст, абаронца. Працуе ў структуры клюбу «Іслач».

Валеры Цыганенка
Пэрсанальная інфармацыя
Нарадзіўся	21 ліпеня 1981(1981-07-21)[1][2] (44 гады) Менск, БССР, СССР
Рост	197 см
Вага	83 кг
Пазыцыя	паўабаронца
Клюбы
Гады	Клюб	Гульні (галы)¹
2000	РШВСМ-Алімпія[d]	26 (1)
2000—2001	Трактар[d]
2002—2003	Камунальнік[d]	56 (8)
2004	ЗЛіН[d]	21 (2)
2005	ТП-47[d]	8 (0)
2006	Камунальнік[d]	7 (1)
2007	Шаўлі	29 (1)
2008	Ліда	12 (0)
2008	БДАТУ-Ніва[d]	11 (2)
2009	СКВІЧ	12 (0)
2009	Арарат	11 (1)
2010	Абдыш-Ата Кант[d]	20 (14)
2011	Худжанд[d]
2012	Рэчыца-2014	25 (3)
2013—2016	Іслач	87 (5)

Кар’ера

Клюбная

Выхаванец менскіх футбольных школаў «Трактар», «Атака» і «Алімпія». У 2002 годзе ўсьлед за трэнэрам Барысам Лазарчыкам перабраўся ў слонімскі «Камунальнік». У 2004 годзе выступаў за ЗЛіН, па заканчэньні сэзону атрымаў прапанову перайсьці ў «Ведрыч-97», які выйшаў у Найвышэйшую лігу. Аднак празь недахоп сродкаў рэчыцкі клюб адмовіўся ад удзелу ў мацнейшым дывізіёне, а Валеры разам з суайчыньнікам Анатолем Какшаровым пераехаў у фінскі клюб ТП-47. Пазьней вярнуўся ў Беларусь, дзе гуляў за клюбы ніжэйшых дывізіёнаў. У 2007 годзе выступаў за летувіскі «Шаўлі».

У 2009 годзе на прапанову Віталя Ледзянёва выправіўся ў Армэнію ў клюб «Арарат», а ў наступны год перайшоў у адзін з наймацнейшых кыргыскіх клюбаў «Абдыш-Ата». У 2011 годзе гуляў у Таджыкістане, а пасьля падпісаў кантракт з узбэцкім «Наўбахорам», аднак праз мэдычныя праблемы вымушаны быў хутка пакінуць каманду^[3].

У 2012 годзе вярнуўся ў Беларусь. Адгуляўшы год за рэчыцкі «Ведрыч-97», перайшоў у склад дэбютанта Першай лігі клюб «Іслач». У 2015 разам з «Іслаччу» перамог у Першай лізе. Па заканчэньні сэзону 2015 году пастанавіў скончыць гульнёвую кар’еру і перайсьці на трэнэрскую працу^[4], аднак у выніку быў заяўлены на сэзон 2016 году. 1 красавіка 2016 году ў 34-гадовым веку дэбютаваў у беларускай Найвышэйшай лізе ў матчы супраць «Нафтану» (2:0), выйшаўшы на замену ў канцы сустрэчы, а 8 траўня ўжо правёў поўны матч супраць «Менску» (1:0) на пазыцыі цэнтральнага абаронцы^[5]. Пазьней згуляў за «Іслач» яшчэ ў некалькіх матчах, дзе звычайна дзейнічаў у абароне, але часам быў нападнікам.

Трэнэрская

У студзені 2017 году завяршыў кар’еру і цалкам перайшоў на трэнэрскую працу ў «Іслачы»^[6]. У сэзоне 2017 году ўваходзіў у трэнэрскі штаб дублю, дзе быў гульнёвым трэнэрам. У канцы сэзону таксама прыцягваўся да асноўнай каманды, у адным матчы выйшаў на замену.

У студзені 2018 году стаў асыстэнтам галоўнага трэнэра асноўнай каманды «Іслачы» Віталя Жукоўскага^[7]. У студзені 2020 году быў прызначаны галоўным трэнэрам дублюючага складу^[8]. У кастрычніку 2022 году падоўжыў кантракт з клюбам на два гады^[9].

Статыстыка

Клюб	Сэзон	Чэмпіянат
		Дывізіён	Матчы	Галы
Іслач	2016	Найвышэйшая ліга	17	0
	2017	Найвышэйшая ліга	1	0