Валянцін Акудовіч

Валянцін Акудовіч (нарадзіўся 18 чэрвеня 1950 году, Сьвіслач, Гарадзенская вобласьць, цяпер Беларусь) — беларускі філёзаф, паэт, літаратурны крытык.

Валянцін Акудовіч лац. Valancin Akudovič
Валянцін Акудовіч (2009 год)
Род дзейнасьці	філёзаф
Дата нараджэньня	18 чэрвеня 1950(1950-06-18) (75 гадоў)
Месца нараджэньня	Сьвіслач, Гарадзенская вобласьць, Беларуская ССР, СССР
Грамадзянства	Беларусь
Месца вучобы	Літаратурны інстытут імя Горкага[d] (1980)
Занятак	эсэіст, пісьменьнік, пісьменьнік-дакумэнталіст, філёзаф, паэт
Месца працы	ММЗ Культура Крыніца[d] Літаратура і Мастацтва Фрагмэнты Беларускі калегіюм
Бацька	Васіль Акудовіч
Узнагароды	Прэмія газэты «Літаратура і Мастацтва» (1993), прэмія часопіса «Крыніца» (1995), прэмія Беларускага гуманітарнага цэнтру (1997), прэмія імя Алеся Адамовіча (2001), «Гліняны Вялес» (2007), «Залатая літара» (2012).

Біяграфія й творчасьць

Скончыў Літаратурны інстытут імя Горкага (Масква, 1980). Працаваў у штотыднёвіках «Культура», «ЛіМ», часопісах «Крыніца» і «Фрагмэнты». Заангажаваны ў праблематыку «мэтафізыкі адсутнасьці». «Хросны бацька» літаб’яднаньня «Бум-Бам-Літ», рэцэптар паэтычнага праекту «Вершы Валянціна Акудовіча». Самі вершы напісаныя ад ягонага імя вядомымі і невядомымі беларускімі паэтамі. Творы перакладаліся на польскую^[1], летувіскую^[2] ды швэдзкую^[3] мовы. Маюцца выданьні на расейскай мове^[4].

Бібліяграфія

• Акудовіч В. Мяне няма. Роздум на руінах чалавека. — Менск: БГАКЦ, 1998. — 204 с. — (Сучаснае мысьленне). — 500 ас. — ISBN 985-6012-43-0
• Акудовіч, В. В. Разбурыць Парыж: Эсэ. — Мн.: Логвінаў, 2004. — 297 с. — (Бібліятэка «Бум-Бам-Літа»). — 300 ас. — ISBN 985-6701-31-7
• Акудовіч, В. В. Дыялогі з Богам. — Мінск: Выдавец І.П.Логвінаў, 2006. — 191 с. — (Галерэя Б). — ISBN 985-6701-94-5
• Код адсутнасьці / Алесь Анціпенка. — Менск: Логвінаў, 2007. — 216 с. — ISBN 978-985-6800-31-6
• «Вайна культураў»
• Акудовіч, В. В. Архіпэлаг Беларусь: кніга дыялогаў. — Мінск: Галіяфы, 2010. — 237 с. — (Другі фронт мастацтваў). — 200 ас. — ISBN 978-985-6906-36-0
• «Беларусь як постмадэрновы праект Бога»
• Мэтафізыка: сытуацыя росквіту й сытуацыя заняпаду.