Браніслаў Камароўскі

Брані́слаў Мары́я Камаро́ўскі (польск. Bronisław Maria Komorowski; нар. 4 чэрвеня 1952 году ў Абарніках Сьлёнскіх)^[4] — польскі палітык, прэзыдэнт Польшчы (2010—2015).

Браніслаў Камароўскі
польск. Bronisław Komorowski
Браніслаў Камароўскі
Прэзыдэнт Польшчы
6 жніўня 2010 — 6 жніўня 2015
Прэм’ер-міністар	Дональд Туск
Папярэднік	Лех Качынскі
Наступнік	Анджэй Дуда
Маршалак Сойму
5 лістапада 2007 — 8 ліпеня 2010
Прэзыдэнт	Лех Качынскі
Наступнік	Гжэгаж Схятына
Асабістыя зьвесткі
Нарадзіўся	4 чэрвеня 1952(1952-06-04)[1][2][3] (73 гады) Абарнікі Слёнске[d], Трэбніцкі павет[d], Ніжнесылескае ваяводзтва, Польшча
Партыя	Грамадзянская Плятформа (з 2001)
Адукацыя	Варшаўскі ўнівэрсытэт (1977) Q9383141? (1971)
Сужэнец	Анна Камароўская (Дэмбоўская)
Дзеці	Zofia Komorowska[d]
Бацька	Зыгмунт Камароўскі[d]
Маці	Ядзьвіга Камароўская[d]
Узнагароды	Gazeta Wyborcza Person of the Year[d] (2014) Чалавек году тыднёвіка „Wprost“[d] (2012) Medal of the Day of Remembrance for the Victims of the Katyn Massacre[d] (2008) Złoty Hipolit[d] (2013) Q11789109? (2015) Прэмія сусьветнага грамадзяніна[d] (2013)
Подпіс
Сайт	bronislawkomorowski.org (пол.)​ (анг.)​ (фр.)

Біяграфія

Нарадзіўся ў сям’і графа Зыгмунта Леона Камароўскага гербу Корчак, прафэсара афрыканістыкі, ды Ядвігі з Шалькоўскіх^[5]. Яго сям’я паходзіць з тэрыторыі сучаснай Летувы, з маёнтку Кавалішкі. Як сам паведаміў, яго дзед, Юлюш Камароўскі, служыў у царскай арміі, а за часам рэвалюцыі разам з групай палякаў і расейцаў захапіў ля Пермі судна, каб па Волзе патрапіць да мора. Уцякаючы, адстрэльваліся аднолькава як ад бальшавікоў, так і ад белагвардзейцаў^[6].

Браніслаў Камароўскі шмат гадоў быў зьвязаны з рухам скаўтаў, быў інструктарам. У 1977 годзе скончыў гістарычны факультэт Варшаўскага ўнівэрсытэту. За студэнцкім часам уваходзіў у студэнцкі гурток, быў яго старшынём. У 1977—1980 гадох стажыраваўся ў рэдакцыі каталіцкай газэты.

За часам ПНР дзейнічаў у апазыцыі. Быў выдаўцом газэты, у 1980 годзе сядзеў у турме за падрыхтоўку маніфэстацыі. За часам ваеннага становішча быў інтэрнаваны. Пасьля, да 1989 году быў настаўнікам у ніжэйшай духоўнай сэмінарыі ў Непакалянаве.

У 1989—1990 гадох зьяўляўся дырэктарам кабінэту міністра ў адміністрацыі савету міністраў. У 1990—1993 гадох быў намесьнікам міністра нацыянальнай абароны, у 2000—2001 гадох быў міністрам нацыянальнай абароны. З 1991 да 2007 году выбіраўся дэпутатам Сойму, у 2005—2007 гадох быў намесьнікам маршалка Сойму, а ў 2007 году стаў маршалкам Сойму.

Па прычыне сьмерці Леха Качыньскага, з 10 красавіка 2010 году выконваў абавязкі прэзыдэнта Польшчы. 4 ліпеня 2010 году абраны прэзыдэнтам, уступіў ва ўрад 6 жніўня. У 2015 году балятаваўся ў чаргавых прэзыдэнцкіх выбарах. У другім туры ягоным супернікам быў Анджэй Дуда, і ў выніку ня быў пераабраны.

Доктар honoris causa Унівэрсытэту Мыкаляса Рамэріса ў Вільні (2008).