Васіль Кошачкін

Васіль Кошачкін (па-расейску: Василий Кошечкин; нарадзіўся 27 сакавіка 1983 году, Тальяці, СССР) — колішні расейскі хакеіст, брамнік зборнай Расеі. Заслужаны майстар спорту Расеі (2010). Выхаванец тальяцінскага хакею.

Васіль Кошачкін
Рост	201 см
Вага	100 кг
Пазыцыя	брамнік
Кідок/Ловы	левы[d]
Грамадзянства	Расея
Дата нараджэньня	27 сакавіка 1983 (42 гады)
Месца нараджэньня	Тальяці, СССР
Выступаў за	Алімпія Нафтавік Лада Ак Барс Лада Мэталюрг Магнітагорск Северсталь Мэталюрг Магнітагорск
Нацыянальная зборная	Расея
Драфт НХЛ	233, 2002 Тампа Бэй Лайтнінг
Гульнявая кар’ера	2002—2023

Кар’ера

Клюбная

Васіль зьяўляецца выхаванцам спартовай дзіцяча-юнацкай школы алімпійскай рэзэрвы па хакеі з шайбай клюбу «Лада». Сваю прафэсійную кар’еру пачаў у 2002 годзе ў складзе клюбу вышэйшай лігі «Алімпіі» з Кірава-Чапецку. У тым жа сэзоне Кошачкін таксама выступаў у складзе альмецьеўскага «Нафтавіку». Таксама ў тым годзе на драфце НХЛ Васіль быў абраны ў 8 раўндзе пад агульным 233 нумарам клюбам «Тампа Бэй Лайтнінг»^[1].

У 2003 годзе Кошачкін дэбютаваў у Супэрлізе ў складзе роднай «Лады», дзе і выступаў да 2007 году, двойчы стаўшы прызэрам расейскіх першынстваў. Сэзон 2007—2008 гадоў брамнік правёў у казанскім «Ак Барсе»^[2], пасьля чаго зноўку вярнуўся ў Тальяці^[3]. У сярэдзіне сэзону 2009—2010 гадоў Кошачкін стаў гульцом магнітагорскага «Мэталюргу»^[4].

30 чэрвеня 2010 году Васіль падпісаў кантракт з чарапавецкай «Северстальлю»^[5], у складзе якой у сэзоне 2010—2011 гадоў правёў 38 матчаў з каэфіцыентам надзейнасьці 2,81. Таксама Кошачкін быў прызнаны найлепшым гульцом «Северсталі» паводле вэрсіі заўзятараў чарапавецкага клюбу, набраўшы 29,92% галасоў^[6]. 1 траўня 2013 году Васіль вярнуўся ў магнітагорскі «Мэталюрг», у складзе якога стаў уладальнікам Кубка Гагарына ў першым жа сваім сэзоне.

Міжнародная

У складзе зборнай Расеі Васіль удзельнічае ў чэмпіянатах сьвету з 2007 году. Разам са зборнай станавіўся чэмпіёнам сьвету 2009 году на першынстве ў Швайцарыі.

Дасягненьні

«Мэталюрг»

• Уладальнік Кантынэнтальнага кубку: 2006, 2008
• Уладальнік Кубка Гагарына: 2014, 2016

Расея

• Алімпійскі чэмпіён: 2018
• Чэмпіён сьвету: 2009
• Срэбраны прызэр чэмпіянату сьвету: 2010
• Бронзавы прызэр чэмпіянату сьвету: 2010