Кантынэнтальны кубак па хакеі

Кантынэнта́льны ку́бак — хакейнае спаборніцтва эўрапейскіх клюбаў, заснаванае ў 1997 року наўзамен скасаванаму Эўрапейскаму кубку. Плянавалася, што ў ім будуць выступаць клюбы краінаў, не прадстаўленых у Эўрапейскай хакейнай лізе, а клюбы-прадстаўнікі будуць абірацца нацыянальнымі хакейнымі фэдэрацыямі.

Фармат

У першым сэзоне Кантынэнтальнага кубку 1997—1998 рокаў ўдзельнічалі 42 клюбы з 26 краінаў, за два наступныя гады колькасьць удзельнікаў вырасла да 48 камандаў. Каманды падзяляліся на групы, пераможцы якіх выходзілі ў наступны групавы раўнд. Пасьля трэцяга групавога раўнду наступавалі паўфіналы, у якіх акрамя пераможцаў трох групаў брала ўдзел каманда-гаспадар спаборніцтва. Першы групавы раўнд праходзіў у верасьні, другі ў кастрычніку, трэці — у лістападзе; урэшце, фінальная стадыя — у сьнежні.

У сэзоне 2000—2001 рокаў, калі Эўрапейская хакейная ліга не разыгрывалася, Кантынэнтальны кубак фактычна стаў эўрапейскім клюбным чэмпіянатам. Фармат не памяняўся, удзельнічалі 36 клюбаў з 27 краінаў.

З 2004—2005, са зьяўленьнем Кубку эўрапейскіх чэмпіёнаў, у Кантынэнтальным кубку бяруць удзел чэмпіёны краінаў, якія не ўваходзяць у Вялікую шасьцёрку (паводле рэйтынгу ІІХФ), а таксама асобныя клюбы з чэмпіянатаў Вялікай шасьцёркі (напрыклад, расейскае Дынама Масква і славацкі Зволен).

Пераможцы

Сэзон	Пераможца	Фіналіст	Трэці	Пляцоўка
1998	Кошыцы	Айсбэрэн Бэрлін	Ільвэс Тампэрэ	Тампэрэ, Фінляндыя
1999	Амбры-Піёта	Кошыцы	Авангард Омск	Кошыцы, Славаччына
2000	Амбры-Піёта	Айсбэрэн Бэрлін	Ак Барс Казань	Бэрлін, Нямеччына
2001	ЦСК Лаенз	Лёндан Найтс	Слован Браціслава	Цюрых, Швайцарыя
2002	ЦСК Лаенз	Міляна Вайпэрз	Зволен	Цюрых, Швайцарыя
2003	Ёкерыт	Лякаматыў Яраслаўль	Лугана	Люгана, Швайцарыя Мілян, Італія
2004	Слован Браціслава	Гомель	Лугана	Гомель, Беларусь
2005	Зволен	Дынама Масква	Альба Волян Сэкешфэхервар	Сэкешфэхервар, Вугоршчына
2006	Лада Тальяці	Рыга-2000	ЦСК Лаенз	Сэкешфэхервар, Вугоршчына
2007	Юнацтва Менск	Авангард Омск	Ільвэс Тампэрэ	Сэкешфэхервар, Вугоршчына
2008	Ак Барс Казань	Рыга-2000	Казцынк-Тарпэда	Рыга, Латвія
2009	Марцін	Руэн Хокі Эліт 76	Бальцана	Руэн, Францыя
2010	Рэд Бул Зальцбург	Юнацтва Менск	Шэфілд Стылерз	Грэнобль, Францыя
2011	Юнацтва Менск	Рэд Бул Зальцбург	Сэнэруйск	Менск, Беларусь
2012	Руэн Хокі Эліт 76[1]	Юнацтва Менск	Данбас	Руэн, Францыя
2013	Данбас	Мэталюрг Жлобін	Руэн Хокі Эліт 76	Данецк, Украіна
2014	Ставангер Ойлерз	Данбас	HC Asiago	Руэн, Францыя

Кубак фэдэрацый ІІХФ

Кубак фэдэрацыяў быў афіцыйным эўрапейскіх хакейным клюбным спаборніцтвам, заснаваным у 1995. Гэта быў эўрапейскі чэмпіянат другога ўзроўню для клюбаў, якія ня трапілі ў Эўрапейскі кубак, у прыватнасьці з усходнеэўрапейскіх дзяржаваў. ЁН быў непасрэдным папярэднікам Кантынэнтальнага кубку, запачаткаванага праз два гады.

Фармат

У першы год у турніры ўзялі ўдзел 13 усходнеэўрапейскіх клюбаў з дванаццаці краінаў, якія спаборнічалі па кубкавай сыстэме з трыма кваліфікацыйнымі групамі.

У наступным сэзоне з-за ўзрослае колькасьці ўдзельнікаў (далучыліся й некаторыя каманды з Заходняй Эўропы) быў уведзены дадатковы кваліфікацыйны раўнд.

Пераможцы

Сэзон	Пераможца	Вынік	Фіналіст	Пляцоўка
1995	Салават Юлаеў Уфа	4-1	Пардубіцы	Любляна, Славенія
1996	Масьціні Варэзэ	4-3	Мэталюрг Магнітагорск	Трэнчын, Славаччына

Глядзіце таксама

• Хакейная ліга чэмпіёнаў
• Супэркубак ІІХФ
• Кубак эўрапейскіх чэмпіёнаў