Вечальле

Ве́чальле — возера ва Ўшацкім раёне Віцебскай вобласьці. Знаходзіцца за 1 км на паўднёвы ўсход ад Ушачаў.

Возера Вечальле Панарама Вечальля Возера Вечальле Краіна Беларусь Плошча 1,36 км² Плошча вадазбору 37,2 км² Максымальная глыбіня 35,9 м Найбольшая даўжыня 3,68 км Найбольшая шырыня 0,48 км Даўжыня берагавой лініі 8,2 км Вышыня над узроўнем мора 133 м[1] Аб’ём вады 25,1 млн м³ Каардынаты 55°8′40″ пн. ш. 28°37′30″ у. д. Вечальле на мапе Беларусі ± Вечальле Вечальле

Галерэя здымкаў у Вікісховішчы

Возера знаходзіцца ў басэйне ракі Крашанкі. Плошча Вечальля складае 1,36 км². Найбольшая глыбіня возера — 35,9 м. Даўжыня возера — 3,68 км, найбольшая шырыня — 0,48 км. Даўжыня берагавой лініі — 8,2 км. Аб’ём вады ў возеры складае 25,1 млн м³, плошча вадазбору возера — 37,2 км².

Схілы катлавіны возера маюць вышыню 10—15 м, разараныя. На паўднёвым усходзе вышыня схілаў складала 2—4 м. Берагі возера высокія, на паўночным усходзе і паўднёвым захадзе на пэўных участках нізкія.

Прыцемкі над Вечальлем

Дно вадаёма карытападобнае. Ложа возера складаецца з 2 упадзін глыбінёй 33,4 і 35,9 м, якія разьдзеленыя між сабой невысокім падняцьцем.

Расьліннасьць займае 5% плошчы паверхні возера. Прыбярэжная расьліннасьць пашыраная да глыбіні 3 м, шырыня прыбярэжнай паламы складае 5—30 м.

У возера ўпадаюць 4 ручаі, у тым ліку ручай з возера Доўжына. Выцякае ручай у возера Ваўчо.

Возера Вечальле ўваходзіць у курортную зону «Ўшачы». Каля возера знаходзіцца санаторый «Лясныя азёры»^[2].