Вулькан (вёска)

Вулька́н^[1][2] (афіцыйная назва — Вулка́н^[3]) — вёска ў Малінаўскім сельсавеце Лоеўскага раёну Гомельскай вобласьці. Знаходзіцца за 20 км на паўночны захад ад Лоева, 60 км ад чыгуначнай станцыі Рэчыца (на лініі Гомель — Каленкавічы), 80 км ад Гомля, на поўдні мэліярацыйны канал. Транспартныя сувязі па прасёлачнай, потым аўтадарозе Брагін — Холмеч.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Вулькан (неадназначнасьць).

Вулькан
трансьліт. Vuĺkan
Першыя згадкі:	XX стагодзьдзе
Краіна:	Беларусь
Вобласьць:	Гомельская
Раён:	Лоеўскі
Сельсавет:	Малінаўскі
Насельніцтва:	95 чал. (2010)
Часавы пас:	UTC+3
Тэлефонны код:	+375 2347
Паштовы індэкс:	247104
СААТА:	3230815021
Нумарны знак:	3
Геаграфічныя каардынаты:	52°0′48″ пн. ш. 30°27′28″ у. д.
Вулькан на мапе Беларусі ± Вулькан Вулькан

Гісторыя

Заснаваная напачатку XX стагодзьдзя перасяленцамі з суседніх вёсак. Найбольш актыўна будавалася ў 1920-я гады. У гэты самы год заснаваны калгас «Вулькан», працавалі вятраны млын і кузьня. У выніку катастрофы на Чарнобыльскай АЭС падверглася радыяцыйнаму забруджаньню і аднесена да катэгорыі з правам на адсяленьне. У складзе КСУП «Малиновка-Агро» (цэнтар — вёска Малінаўка)^[4]. Пляніровачна складаецца з прамалінейнай, блізкай да шыротнай арыентацыі вуліцы, забудаванай двухбакова рэдка драўлянымі сялянскімі сядзібамі^[5].

Насельніцтва

• XX стагодзьдзе: 1930 год — 29 двароў, 156 чалавек; 1959 год — 154 чалавекі (перапіс); 1999 год — 142 чалавекі, 53 гаспадаркі
• XXI стагодзьдзе: 2010 год — 95 чалавек