Высокае Мазавецкае

Высокае Мазавецкае (польск. Wysokie Mazowieckie) — места ў Польшчы, на рацэ Броку. Адміністрацыйны цэнтар Высокамазавецкага павету Падляскага ваяводзтва. Насельніцтва на 2020 год — 9611 чалавек. Знаходзіцца за 50 км ад Беластоку.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Высокае (неадназначнасьць).

Высокае Мазавецкае лац. Vysokaje Mazavieckaje
польск. Wysokie Mazowieckie
У цэнтры места
Герб Высокага Мазавецкага Сьцяг Высокага Мазавецкага
Дата заснаваньня:	1492
Краіна:	Польшча
Ваяводзтва:	Падляскае
Павет:	Высокамазавецкі
Плошча:	15,24 км²
Насельніцтва:	9611 чал. (2020)
Часавы пас:	UTC+1
летні час:	UTC+2
Тэлефонны код:	+48 86
Паштовыя індэксы:	18-200
Нумарны знак:	BWM
Геаграфічныя каардынаты:	52°55′9″ пн. ш. 22°30′52″ у. д.
Высокае Мазавецкае на мапе Польшчы Высокае Мазавецкае
Галерэя здымкаў у Вікісховішчы
http://www.wysokiemazowieckie.pl

Высокае — магдэбурскае места гістарычнага Падляшша каля мяжы з Мазовіяй. Да нашага часу тут захавалася былая царква Сьвятых Казьмы і Дзям'яна, помнік архітэктуры XVIII ст., які пацярпеў ад маскоўскай перабудовы.

Гісторыя

Казьмадзям'янаўская царква, аўтэнтычны выгляд

Паміж Вялікім Княствам Літоўскім і Каралеўствам Польскім

Высокае заснаваў у 1469 годзе кароль і вялікі князь Казімер. 4 студзеня 1503 году кароль і вялікі князь Аляксандар надаў месту Магдэбурскае права.

У 1569 годзе згодна з умовамі Люблінскай уніі Высокае перайшло да Каралеўства Польскага. Таго ж году кароль і вялікі князь Жыгімонт Аўгуст надаў места Мікалаю Радзівілу^[1]. Пазьней Высокім валодалі Макавецкія, Апацкія, Шчукі, Патоцкія.

Пад уладай Расейскай імпэрыі

У выніку трэцяга падзелу Рэчы Паспалітай (1795 год) Высокае апынулася ў складзе Аўстрыйскай імпэрыі, з 1809 году — у складзе Расейскае імпэрыі, дзе стала цэнтрам павету Ломжынскай губэрні. Расейскія ўлады перайменавалі места ў Мазавецк. На 1827 год тут было 153 будынкі, на 1865 год — 176

За часамі Першай сусьветнай вайны ў 1915 годзе Высокае занялі войскі Нямецкай імпэрыі.

Найноўшы час

Згодна з Рыскай мірнай дамовай 1921 году Высокае апынулася ў складзе міжваеннай Польскай Рэспублікі, дзе стала цэнтрам Мазавецкага павету Беластоцкага ваяводзтва. У Другую сусьветную вайну з 10 верасьня 1939 да 13 жніўня 1944 году места знаходзілася пад акупацыяй Трэцяга Райху.

Насельніцтва

Дэмаграфія

• XIX стагодзьдзе: 1827 год — 881 чал.; 1865 год — 2865 чал.; 1880 год — 1837 чал.^[2]
• XX стагодзьдзе: 1939 год — 4067 чал.; 1946 год — 2121 чал.
• XXI стагодзьдзе: 2020 год — 9611 чал.

Турыстычная інфармацыя

Славутасьці

• Касьцёл Сьвятога Яна Хрысьціцеля (1875)
• Могілкі: каталіцкія, юдэйскія
• Царква Сьвятых Казьмы і Дзям'яна (1798; цяпер касьцёл Нараджэньня Найсьвяцейшай Панны Марыі)

Страчаная спадчына

• Сынагога

Галерэя

• Славутасьці Высокага
• 
  Былая царква Святых Казьмы і Дзям'яна
• 
  Касьцёл Сьвятога Яна Хрысьціцеля
• 
  Каталіцкія могілкі
• 
  Юдэйскія могілкі