Вялікае Камайскае возера

Вялі́кае Кама́йскае — возера ў Беларусі, у басэйне ракі Камайкі. Знаходзіцца ў Пастаўскім раёне Віцебскай вобласьці, за 17 км на паўднёвы захад ад места Паставаў. Плошча паверхні возера 0,25 км². Даўжыня 1,05 км, найбольшая шырыня 0,36 км. Найбольшая глыбіня дасягае 22 м, сярэдняя складае 6,7 м. Аб’ём вады 1,67 млн м³. Даўжыня берагавой лініі 2,59 км.

Возера Вялікае Камайскае Краіна Беларусь Плошча 0,25 км² Плошча вадазбору 9,8 км² Максымальная глыбіня 22 м Найбольшая даўжыня 1,05 км Найбольшая шырыня 0,36 км Даўжыня берагавой лініі 2,59 км Вышыня над узроўнем мора 188 м[1] Аб’ём вады 1,67 млн м³ Каардынаты 55°3′46″ пн. ш. 26°35′6″ у. д. Вялікае Камайскае на мапе Беларусі ± Вялікае Камайскае Вялікае Камайскае

На ўсходнім беразе возера стаіць гістарычнае мястэчка Камаі.

Апісаньне

Катлавіна эвархійнага тыпу, вяцягнутая з захаду на ўсход. Схілы вышынёй 9—14 м, на захадзе і ўсходзе 5—6 м, пад лугам і пашай. Берагі нізкія, парасьлі хмызьняком. У падводнай частцы катлавіны вылучаюцца 4 замкнёныя катлавіны з глыбінямі 8, 14,9, 18,5 і 22 м. Дно пясковае. 26% паверхні возера займае расьліннасьць, шырыня палосы 5—30 м да глыбіні 2 м^[2].

Возера эўтрофнае. Вяцякае рака Камайка, упадае ручай. Злучаецца пратокай з Малым Камайскім возерам.

Флёра і фаўна

У возеры водзяцца лешч, шчупак, акунь, плотка, язь, карась ды іншыя віды рыбаў^[3].