Генадзь Лавіцкі

Гена́дзь Міха́йлавіч Лаві́цкі (28 жніўня 1942, вёска Новая Беліца, Сеньненскі раён Віцебская вобласьць — 18 верасьня 2013) — беларускі вайсковец і дыплямат.

Генадзь Лавіцкі
Старшыня Камітэту дзяржаўнай бясьпекі Рэспублікі Беларусь
22 лютага 1994 — 23 ліпеня 1994
Прэзыдэнт	---
Прэм’ер-міністар	Вячаслаў Кебіч, Міхаіл Чыгір
Папярэднік	Эдуард Шыркоўскі
Наступнік	Уладзімер Ягораў
Надзвычайны і Паўнамоцны Амбасадар Рэспублікі Беларусь у Дзяржаве Ізраіль
18 кастрычніка 1995 — 21 студзеня 2004
Прэзыдэнт	Аляксандар Лукашэнка
Наступнік	Ігар Ляшчэня
Асабістыя зьвесткі
Нарадзіўся	28 жніўня 1942(1942-08-28) Новая Беліца, Беліцкі сельсавет, Сеньненскі раён, Віцебская вобласьць, БССР, СССР
Памёр	18 верасьня 2013(2013-09-18) (71 год)
Адукацыя	Віцебскі дзяржаўны ўнівэрсытэт

Жыцьцяпіс

У 1960 працаваў на Віцебскім тэхналягічным участку рачных шляхоў. Служыў у Вайскова-марскім флёце СССР.

Скончыў Віцебскі дзяржаўны пэдагагічны інстытут імя Кірава (1970), Найвышэйшыя курсы КДБ пры Савеце міністраў СССР (1971). У органах дзяржбясьпекі з 1970 року, прайшоў кар’еру ад опэрупаўнаважанага да памочніка начальніка Ўправы па кадрах УКДБ пры СМ БССР па Віцебскай вобласьці.

У 1984 року прызначаны намесьнікам начальніка 3-й управы КДБ БССР, пазьней — старэйшы інспэктар Інспэктарскае ўправы цэнтральнага апарату КДБ БССР.

У 1988—1994 гадах намесьнік старшыні КДБ БССР і КДБ Рэспублікі Беларусь. 22 лютага 1994 году прызначаны старшынём КДБ^[1]. На гэтай пасадзе заставаўся да 23 ліпеня 1994 году.

18 кастрычніка 1995 году прызначаны Надзвычайным і Паўнамоцным Амбасадарам Рэспублікі Беларусь у Дзяржаве Ізраіль^[2], адстаўлены 21 студзеня 2004 году^[3].

Меў вайсковае званьне генэрал-лейтэнанта (1994)^[4].

27 жніўня 2002 году ўзнагароджаны Ганаровай граматай Савету Міністраў Рэспублікі Беларусь^[5].