Глеб Даўгоўдавіч

Глеб Даўгоўдавіч (? — па 1450) — літоўскі князь.

Глеб Даўгоўдавіч
лац. Hleb Daŭgoŭdavič / Daŭhoŭdavič

Асабістыя зьвесткі
Памёр	па 1450
Род	Даўгоўдавічы
Бацькі	Юры Даўгоўдавіч (?)
Дзеці	Фёдар (Федзька)

Імя

Асноўны артыкул: Глеб

Глеб — усходнеславянская форма германскага (паўночнагерманскага) імя Gudleifr (Guðleifr)^[1]. Іменная аснова -гуд- (-год-, -гут-) (імёны ліцьвінаў Готарт, Гудман, Саўгут; германскія імёны Gotard, Gudman, Savegot) паходзіць ад гоцкага guþs 'Бог', gôþs 'добры, старанны, пабожны' або *guts 'гот'^[2], а аснова -леб- (-лейб-, -лейф-) (імя ліцьвінаў Улеб; германскае імя Uleifr) — ад гоцкага laiba 'заставацца'^[3], стараісьляндзкага leifr 'нашчадак'^[4][5]. Такім парадкам, імя Глеб азначае 'адданы пад Боскую абарону'^[6] або 'нашчадак Бога'^[7].

Варыянты імя ў гістарычных крыніцах: Глебъ Довкголдовичъ (1440—1492 гады)^[8]; Hleb Dawgoldowicz (1441 год)^[9]; за Князя Глеба Довковдовича (XV ст.)^[10].

Біяграфія

Зь літоўскага княскага роду Даўгоўдавічаў, магчыма, быў сынам Юрыя Даўгоўдавіча.

Быў сьведкам пры складаньні ўмовы з крыжакамі (1436 год). Засьведчыў пацьвярджальны прывілей Вільні (1441 год). Каля 1450 году атрымаў у валоданьне ад вялікага князя Казімера людзей.

Магчыма, Фёдар (Федзька) Даўгоўдавіч быў яго сынам^[11].