Глеб
мужчынскае асабовае імя (Глеб) From Wikipedia, the free encyclopedia
Remove ads
Глеб — мужчынскае імя, якое супастаўляецца з германскім імём Готліб[1], і вытворнае ад яго прозьвішча.
Паходжаньне
Глеб — усходнеславянская форма германскага (паўночнагерманскага) імя Gudleifr (Guðleifr)[2]. Іменная аснова -гуд- (-год-, -гут-) (імёны ліцьвінаў Готарт, Гудман, Саўгут; германскія імёны Gotard, Gutmann, Savegotus) паходзіць ад гоцкага guþs 'Бог', gôþs 'добры, старанны, пабожны' або *guts 'гот'[3], а аснова -леб- (-лейб-, -лейф-) (імя ліцьвінаў Улеб; германскае імя Uleifr) — ад гоцкага laiba 'заставацца'[4], стараісьляндзкага leifr 'нашчадак'[5][6]. Такім парадкам, імя Глеб азначае 'адданы пад Боскую абарону'[7] або 'нашчадак Бога'[1].
Варыянты імя ў гістарычных крыніцах: Hliebonie et Radwil germanis mariti mei dicti Miczko (15 лютага 1484 году)[8]; nobili Hleb Gymathowicz[9] / nobili Gleb Gymathowicz[10] (1485 год); ему земли пустыи в Радунъском повете, шесть следов… а Глебовщину (22 траўня 1498 году)[11]; землици пустовское у Волковыиском повете на имя Глебовщины (11 чэрвеня 1511 году)[12]; двор Глебишъки (9 чэрвеня 1555 году)[13]; Wincenty Glebowicz (1803 год)[14].
Remove ads
Носьбіты
- Глеб Уладзімеравіч Сьвяты (987—1015) — князь мурамскі, Сьвяты
- Глеб Сьвятаславіч († 1078) — князь тмутараканскі і наўгародзкі
- Глеб Усяславіч († 1119) — князь менскі
- Глеб Юр'евіч († 1171) — князь пераяслаўскі і кіеўскі
- Глеб Расьціславіч († 1177) — князь разанскі
- Глеб Рагвалодавіч († каля 1186) — князь друцкі
- Глеб Юр’евіч († 1195) — князь тураўскі
- Глеб Сьвятаславіч († 1217) — князь чарнігаўскі
- Глеб Уладзімеравіч († 1219) — князь разанскі
- Глеб Васількавіч (1237—1278) — князь белазёрскі і растоўскі
- Глеб — слонімскі князь у 1256 годзе[15]
- Глеб Расьціславіч († 1278) — князь смаленскі
- Глеб Сьвятаславіч († 1340) — князь бранскі
- Глеб Сьвятаславіч (1355—1399) — князь смаленскі
- Глеб — праваслаўнае хроснае імя Нарымонта Гедзімінавіча (1294—1348), князя полацкага
- Глеб Даўгоўдавіч († па 1450) — літоўскі князь
- Глеб Кіндэравіч (Hleb Kynderowicz) — літоўскі князь, які засьведчыў Другую Хрыстмэмэльскую ўмову[16]
- Глеб (Hlieb) — літоўскі баярын, які разам з братам Радзівілам (Radwil) упамінаецца ў дароўнай грамаце Кацярыны Мантушаўны віленскім францішканам ад 14 лютага 1484 году[17]
- Глеб Гіматавіч (Hleb Gymathowicz) — літоўскі баярын, які ўпамінаецца ў грамаце ўдавы Сенькі Гедыгольдавіча Мілохны ад 1485 году[18]
- Глеб Вяжэвіч — літоўскі баярын XV стагодзьдзя, пачынальнік роду Глябовічаў
- Сак Глебавіч (Сакъ Глебовичъ) — баярын Мельніцкага павету Падляскага ваяводзтва, які ўпамінаецца ў попісе войска Вялікага Княства Літоўскага 1567 году[19]
- Кацярына, Канстантын, Станіслаў, Ян, Антоні, Гедэон і Альбіна Глебы (Gleb) — уладальнікі гаспадаркі ў Бражоле каля Трокаў на 1933 год[20]
Прыдомкам Глеб карыстаўся літоўскі шляхецкі род Гашанскіх (Кашанскіх)[21][22].
Глябовічы (Glebowicz) — прыгонныя зь вёсак Катоў, Якавічаў, Дубіны (Ашмянскі павет) і мястэчка Валожына, якія ўпамінаюцца ў XIX стагодзьдзі[23].
Глябовічы або Хлябовічы (Hlebowicz, Chlebowicz) — літоўскі шляхецкі род з Троцкага павету[24].
Глябовічы-Палонскія — літоўскі шляхецкі род[25].
Глябовіч (Hlebowicz) — прозьвішча, зафіксаванае ў XIX стагодзьдзі ў ваколіцах Сувалкаў[26].
На 1882 год існаваў фальварак Глебішкі ў Сьвянцянскім павеце[27].
На гістарычнай Гарадзеншчыне існуе вёска Глебавічы, на гістарычнай Меншчыне — Глебаўшчына і Глебкавічы, на гістарычнай Лідчыне — Глебаўцы, на гістарычнай Аршаншчыне — Глебава, на гістарычнай Рэчыччыне — Глебава Рудня, на гістарычнай Віцебшчыне — Глебаўск, на гістарычнай Троччыне — Глебішкі.
Remove ads
Глядзіце таксама
Крыніцы
Літаратура
Wikiwand - on
Seamless Wikipedia browsing. On steroids.
Remove ads