Глушыца (Навамаркавіцкі сельсавет)

Глушы́ца^[1] — пасёлак у Жлобінскім раёне Гомельскай вобласьці Беларусі. Уваходзіць у склад Навамаркавіцкага сельсавету. Насельніцтва 2 чал. (2004). Знаходзіцца за 27 км на паўднёвы ўсход ад места і чыгуначнай станцыі Жлобін (лінія Жлобін — Гомель), за 85 км ад Гомелю.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Глушыца.

Глушыца
Першыя згадкі:	1920-я
Вобласьць:	Гомельская
Раён:	Жлобінскі
Сельсавет:	Навамаркавіцкі
Насельніцтва:	2 чал. (2004)
Часавы пас:	UTC+3
Геаграфічныя каардынаты:	52°35′10.7″ пн. ш. 30°6′30.3″ у. д.
Глушыца на мапе Беларусі Глушыца

На поўдні возера Глушыцкае. Транспартныя сувязі па прасёлкавай, а затым аўтамабільнай дарозе Стрэшын — Жлобін. Драўляная сядзіба знаходзіцца каля прасёлкавай дарогі.

Гісторыя

Заснаваны ў пачатку 1920-х гадоў перасяленцамі з суседніх вёсак на былых абшарніцкіх землях. У 1931 годзе жыхары ўступілі ў калгас. У часе Вялікай Айчыннай вайны акупанты спалілі 17 двароў. Паводле перапісу 1959 году ў складзе калгасу «Зорка» (цэнтар — вёска Прыбудак).

Насельніцтва

• XX стагодзьдзе: 1925 — 5 двароў; 1940 — 20 двароў, 100 жыхароў; 1959 — 16 жыхароў (паводле перапісу)
• XXI стагодзьдзе: 2004 — 1 гаспадарка, 2 жыхары^[2]