Грыўда

Гры́ўда — рака ў Беларусі, левы прыток ракі Шчары (басэйн Нёману). Цячэ ў Слонімскім раёне Гарадзенскай вобласьці і Івацэвіцкім раёне Берасьцейскай вобласьці. Даўжыня 85 км. Плошча вадазбору 1330 км². Выдатак вады ў вусьці 5,8 м³/с. Сярэдні нахіл воднай паверхні 0,5‰.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Грыўда (неадназначнасьць).

Рака

Грыўда лац. Hryŭda
Агульныя зьвесткі
Выток	каля в. Варонічаў
Вусьце	Шчара
Краіны басэйну	Беларусь
Вобласьці	Гарадзенская вобласьць і Берасьцейская вобласьць
Даўжыня	85 км
Сярэднегадавы сьцёк	5,8 м³/с
Плошча басэйну	1330 км²
Нахіл воднай паверхні	0,5 ‰
Галерэя здымкаў у Вікісховішчы

Асноўныя прытокі

• Була, Булянка, Руднянка, Бусяж, Любішчанскі канал

На рацэ

• Места: Івацэвічы
• Гістарычнае мястэчка: Новадзявяткавічы

Агульныя зьвесткі

Пачынаецца каля вёскі Варонічаў Слонімскага раёну, цячэ Слонімскім узвышшам.

Даліна выразная, яе шырыня ад 1 да 1,5 км, у вярхоўі ня выражана. Абалона двухбаковая, у сярэдняй плыні забалочаная, шырыня яе 0,4—0,8 км, у ніжняй плыні да 1,5 км, у асобных мясьцінах перасечаная старыцамі і асушальнымі канавамі. Рэчышча ў вярхоўі і на асобных дзялянках каналізаванае. Яго шырыня ў межань ад 3—4 м у вярхоўі да 20—30 м у ніжняй плыні. Берагі стромкія, вышынёй 1—2 м. У маляўнічых мясьцінах на ўскраіне места Івацэвічаў зона адпачынку, ніжэй за места ўздоўж ракі насыпныя дамбы^[1].