Даброміль (Бельскі павет)

Дабро́міль (па-польску: Dobromil, па-падляску: Dobromil — вёска ў Бельскім павеце Падляскага ваяводзтва Польшчы. Знаходзіцца ў гміне Бельск-Падляскі. Адміністрацыйна прыналежыць солтыству ў Піліках.

Даброміль
польск. Dobromil
Першыя згадкі:	1577
Былая назва:	Рамашкі
Мясцовая назва:	Dobomil
Краіна:	Польшча
Ваяводзтва:	Падляскае
Павет:	Бельскі
Гміна:	Бельск-Падляскі
Насельніцтва:	51 чал. (31 сакавіка 2021)[1]
Часавы пас:	UTC+1
летні час:	UTC+2
Тэлефонны код:	(+48) 85
Паштовы індэкс:	17-100
Нумарны знак:	BBI
Геаграфічныя каардынаты:	52°43′1″ пн. ш. 23°8′10″ у. д.
Даброміль на мапе Польшчы Даброміль
Галерэя здымкаў у Вікісховішчы

Празь вёску праходзіць краёвая дарога 19.

Насельніцтва

Жыхары вёскі ў большасьці палякі каталіцкага веравызнаньня (парафія Божай Міласэрнасьці ў Бельску-Падляскім^[2]).

Гісторыя

Даброміль вядомы з 16 ст. як пасёлак рускіх баяраў пад назвай Рамашкі. Уваходзіў тады ў склад боцькаўскіх валоданьняў Сапегаў. У 17 ст. пад ціскам уладальнікаў Боцькаў баяры былі выгнаныя, а на месцы Рамашкаў пачаўся ствараць фальварак, а пасьля і вёска. Апошнімі ўладальнікамі невялікага маёнтку Дабраміль была сям’я Гарткевічаў ^[3]. У міжваенны пэрыяд Даброміль прыналежаў да гміны Дубяжын Бельскага павету Беластоцкага ваяводзтва. Паводле польскага перапісу насельніцтва 1921 г. пражывалі тут 81 жыхароў (72 католікі і 9 праваслаўных, палякамі былі запісаныя 74 жыхары, 7 беларусамі)^[4]. Пасьля Другай сусьветнай вайны Даброміль быў далучаны да гміны Бельск-Падляскі.