Дагда
горад у Латвіі From Wikipedia, the free encyclopedia
Remove ads
Да́гда, Даґда (лат. Dagda) — места ў Латвіі, на возеры Дагдзе. Адміністрацыйны цэнтар Дагдзкага краю. Насельніцтва на 2016 год — 2178 чалавек. Знаходзіцца за 267 км на паўднёвы ўсход ад Рыґі, каля беларуска-латвійскай граніцы, на аўтамабільнай дарозе Краслаўка — Люцын.
Дагда — даўняе мястэчка гістарычных Інфлянтаў (Латгаліі). Да нашага часу тут захаваўся касьцёл Найсьвяцейшай Тройцы, помнік архітэктуры XVIII ст.
Remove ads
Гісторыя
Паміж Вялікім Княствам Літоўскім і Каралеўствам Польскім
.jpg)
Упершыню Дагда ўпамінаецца ў XVII ст. як паселішча гандляроў і рамесьнікаў, уладаньне Гільзенаў. У 1740-я гады тут збудавалі мураваны касьцёл Найсьвяцейшай Тройцы.
Пад уладай Расейскай імпэрыі
У выніку першага падзелу Рэчы Паспалітай (1772 год) Дагда апынулася ў складзе Расейскай імпэрыі, у Рэжыцкім павеце Віцебскай губэрні. У 1801 годзе мястэчка набылі Буйніцкія. На 1878 год у Дагдзе было 50 будынкаў, працавала паштовая станцыя.
За часамі Першай сусьветнай вайны ў 1918 годзе Дагду занялі войскі Нямецкай імпэрыі.
Найноўшы час
1 студзеня 1919 году ў адпаведнасьці з пастановай І зьезду КП(б) Беларусі Дагда ўвайшла ў склад Беларускай ССР[2]. У 1920 годзе бальшавікі перадалі мястэчка Латвіі.
У 1992 годзе Дагда атрымала статус места. У 2009 годзе яна стала цэнтрам Дагдзкага краю.
Remove ads
Насельніцтва
Дэмаграфія
- XIX стагодзьдзе: 1878 год — 455 чал.[3]; 1897 год — 1516 чал., зь іх 377 каталікоў і 1026 юдэяў
- XXI стагодзьдзе: 2008 год — 2563 чал.; 2016 год — 2178 чал.
Турыстычная інфармацыя
Славутасьці
- Касьцёл Найсьвяцейшай Тройцы (1740-я)
Страчная спадчына
- Сядзіба Буйніцкіх (XIX ст.)
Асобы
- Казімер Буйніцкі — пісьменьнік і краязнаўца
- Юры Мікалай Гільзен (1692—1775) — дзяржаўны і рэлігійны дзяяч Вялікага Княства Літоўскага, пісьменьнік і перакладнік
У Дагдзе прайшло дзяцінства філёзафа Мікалая Лоскага.
Крыніцы
Вонкавыя спасылкі
Wikiwand - on
Seamless Wikipedia browsing. On steroids.
Remove ads