Дарыюш Дудка

Дарыюш Дудка (па-польску: Dariusz Dudka; нар. 9 сьнежня 1983 году, Костшын-над-Одрай, Польшча) — былы польскі футбаліст, абаронца нацыянальнай зборнай Польшчы.

Дарыюш Дудка
Пэрсанальная інфармацыя
Нарадзіўся	9 сьнежня 1983(1983-12-09)[1] (41 год) Костшын-над-Одрай[d], Гажоўскае ваяводзтва[d], Польская Народная Рэспубліка[2]
Рост	183 см
Вага	80 кг
Пазыцыя	абаронца, паўабаронца
Клюбы
Гады	Клюб	Гульні (галы)¹
2000—2005	Аміка[d]	93
2005—2008	Вісла Кракаў	77 (5)
2008—2012	Асэр	110 (6)
2012—2013	Левантэ	3 (0)
2013	Бірмінггэм Сіці	2 (0)
2014—2015	Вісла Кракаў	46 (0)
2015—2019	Лех Познань	9 (0)
Зборныя
2004—2005	Польшча (да 21)[d]	6 (0)
2004—2012	Польшча	65 (2)

Кар’ера

Клюбная

Пачаў займацца футболам у родным горадзе. У 1999 годзе перайшоў у клюб «Аміка», дэбютаваў у Экстраклясе 15 красавіка 2000 году ў матчы супраць «Руху» (Рудзенкаў). Правёў шэсьць гадоў у клюбе й быў прададзены ў польскі клюб «Вісла» (Кракаў). У сэзоне 2007—2008 гадоў перамог у чэмпіянаце Польшчы разам зь «Віслай». 26 чэрвеня 2008 году ён быў прададзены ў францускі клюб «Асэр» за 2,225 млн фунтаў стэрлінгаў^[3]. У 2012 годзе вольным агентам перашоў у склад гішпанскага клюбу «Левантэ».

Пасьля прагляду Дудка падпісаў двухмесячны кантракт з ангельскім клюбам «Бірмінггэм Сіці» 31 кастрычніка 2013 году^[4]. Пасьля зьяўляеньня толькі ў 2 матчах і сканчэньня кантракту гулец зьехаў у Польшчу, дзе заключыў пагадненьні з клюбам «Вісла» (Кракаў).

Міжнародная

У зборнай Польшчы дэбютаваў 7 лістапада ў матчы супраць зборнай ЗША, які скончыўся зь лікам 1:1. Дарыюш зьяўляецца ўдзельнікам чэмпіянату сьвету 2006 году, чэмпіянату Эўропы 2008 і 2012 гадоў. Пасьля таварыскай сустрэчы супраць зборнай Украіны (0:1), разам з Артурам Боруцам і Радаславам Маеўскім быў выдвараны з зборнай за парушэньне рэжыму^[5].

Дасягненьні

«Аміка»:

• Уладальнік Супэркубка Польшчы: 2000

«Вісла»:

• Чэмпіён Польшчы: 2008

«Лех»:

• Уладальнік Супэркубка Польшчы: 2015, 2016