Джо Пэшы

Джозэф Фрэнк «Джо» Пэшы (па-ангельску: Joseph Frank "Joe" Pesci; нар. 9 лютага 1943 году, Ньюарк, Нью-Джэрзі, ЗША) — амэрыканскі актор, комік і сьпявак. Найбольшую вядомасьць атрымаў дзякуючы шматгадоваму супрацоўніцтву з Робэртам Дэ Ніра і Мартынам Скарсэзэ ў фільмах «Шалёны бык» (1980), «Славутыя хлопцы» (1990), «Казіно» (1995) і «Ірляндзец» (2019).

Джо Пэшы
Дата нараджэньня	9 лютага 1943(1943-02-09)[1][2] (82 гады)
Месца нараджэньня	Ньюарк, Нью-Джэрзі, ЗША
Месца вучобы	школа Бэльвілу[d]
Занятак	кінаактор, комік, сьпявак, тэлеактор, характарны актор, актор, музыка
Жанры	кінакамэдыя, гангстэрскі фільм[d], драматычны фільм, фільм пра злачынствы, трылер[d], крымінальны трылер[d], crime drama film[d], эпічны фільм, гістарычны фільм, нуар[d], гістарычны драматычны фільм[d] і спартовы фільм[d]
Узнагароды	прэмія BAFTA за самага пэрспэктыўнага пачаткоўца ў фільмах[d] (1981)
IMDb	ID nm0000582
Подпіс
Джо Пэшы ў Вікісховішчы

Роля Томі Дэвіта ў «Славутых хлопцах» прынесла Пэшы прэмію «Оскар» у катэгорыі найлепшы актор другога пляну, а за ролю ў «Шалёным быку» актор быў адзначаны прэміяй BAFTA як найлепшы пачатковец. Сярод іншых яскравых работ актора вылучаюцца калядныя камэдыі «Адзін дома» і «Адзін дома 2: Згублены ў Нью-Ёрку», крымінальная драма «Аднойчы ў Амэрыцы» (1984), аскараносная кінакамэдыя «Мой стрыечны брат Віні» (1992) і сэрыя фільмаў «Сьмяротная зброя». Пэшы таксама ёсьць правобразам пэрсанажа Полі з кампутарнай гульні Mafia: The City of Lost Heaven, якая атрымала шырокую папулярнасьць і культавы статус. Як музыка склаў некалькі музычных альбомаў, першы зь якіх пабачыў сьвет яшчэ ў 1968 годзе. Мае італьянскае паходжаньне праз абодвух бацькоў.