Дзьмітры Лебедзеў

Дзьмі́тры Ле́бедзеў (нарадзіўся 13 траўня 1986 году) — беларускі футбаліст, паўабаронца.

Дзьмітры Лебедзеў
Пэрсанальная інфармацыя
Нарадзіўся	13 траўня 1986(1986-05-13)[1] (39 гадоў) Салігорск, Менская вобласьць, БССР, СССР[2]
Рост	178 см
Вага	81 кг[3]
Пазыцыя	паўабаронца
Клюбы
Гады	Клюб	Гульні (галы)¹
2007—2009	Смаргонь	61 (8)
2010	Віцебск	8 (1)
2010—2012	Нёман Горадня	34 (3)
2012—2020	Гарадзея	202 (73)
2020	Крумкачы	11 (7)
2020	Белшына	7 (0)
2021	Крумкачы	13 (1)
2021	Белшына	11 (0)
2022—2023	Астравец	44 (10)

Кар’ера

Выхаванец салігорскага футболу. Гуляў за дубль «Шахцёра» і МТЗ-РІПА. Пасьля абараняў колеры «Смаргонь» і «Віцебск». З 2010 году быў гульцом гарадзенскага «Нёмана». У 2012 годзе перастаў трапляць у асноўны склад гарадзенскага клюбу, у выніку ў жніўні 2012 году далучыўся да «Гарадзеі»^[4]. У складзе «Гарадзеі» быў адным з асноўных гульцоў. У сэзоне 2013 году быў найлепшым бамбардзірам клюбу, маючы на сваім рахунку 12 мячоў.

У студзені 2015 году падоўжыў кантракт з «Гарадзеяй»^[5]. У сэзоне 2015 году быў прызначаны капітанам каманды і здолеў прывесьці яе да выхаду ў Найвышэйшую лігу. У сьнежні 2015 году падоўжыў кантракт з клюбам на наступны сэзон^[6]. У сэзоне 2016 быў адным зь лідэраў гарадзейцаў, з 8 галамі быў адным з найлепшых бамбардзіраў каманды ў чэмпіянаце. Заставаўся гульцом асноўнага складу і ў сэзоне 2017 году, толькі ў траўні і жніўні адсутнічаў праз пашкоджаньні. У сэзоне 2018 году пацэліў 11 галоў у чэмпіянаце Беларусі і стаў найлепшым бамбардзірам каманды. У лістападзе 2018 году падоўжыў кантракт з «Гарадзеяй» на сэзон 2019 году^[7]. Пачынаў сэзон у першым складзе, у жніўні і верасьні не гуляў праз траўмы, але пазьней вярнуўся ў склад. У лістападзе 2019 году падоўжыў пагадненьне з гарадзейцамі яшчэ на адзін сэзон^[8].

У пачатку сэзону 2020 году выходзіў на замену, а ў красавіку паводле пагадненьня бакоў пакінуў «Гарадзею»^[9] і неўзабаве стаў гульцом «Крумкачоў»^[10]. Быў адным зь лідэраў сталічнай каманды. У ліпені 2020 году паводле пагадненьня бакоў скасаваў кантракт з «Крумкачамі»^[11] і неўзабаве далучыўся да бабруйскай «Белшыны»^[12], дзе часьцей выходзіў на замену. У сьнежні 2020 году пакінуў «Белшыну»^[13]. У студзені 2021 году зноў пачаў трэнавацца з «Крумкачамі» і неўзабаве афіцыйна вярнуўся ў клюб^[14], гуляў там да ліпеня^[15]. У хуткім часе зноў прыяднаўся да «Белшыны»^[16], дзе выкарыстоўваўся як гулец ратацыі, дапамог камандзе вярнуцца ў Найвышэйшую лігу.

У лютым 2022 году падпісаў кантракт з «Астраўцом»^[17]. Пакінуў клюб у сьнежні 2023 году^[18].

Дасягненьні

• У сьпісе 22 найлепшых футбалістаў чэмпіянату Беларусі: 2016

Статыстыка

Клюб	Сэзон	Чэмпіянат
		Дывізіён	Матчы	Галы
Гарадзея	2016	Найвышэйшая ліга	28	8
	2017	Найвышэйшая ліга	24	4
	2018	Найвышэйшая ліга	27	11