Дзяніс Кавалеўскі

Дзяні́с Кавале́ўскі (нар. 2 траўня 1992 году) — беларускі футбаліст, абаронца.

Дзяніс Кавалеўскі
Пэрсанальная інфармацыя
Нарадзіўся	2 траўня 1992(1992-05-02)[1] (33 гады) Ворша, Віцебская вобласьць, Беларусь
Рост	186 см
Вага	80 кг[2]
Пазыцыя	абаронца
Клюбы
Гады	Клюб	Гульні (галы)¹
2011	Дынама-2[d]	23 (1)
2011—2012	Дынама Менск	0 (0)
2012	→ Славія Мазыр	25 (0)
2013	Славія Мазыр	28 (0)
2014—2015	Дынама Берасьце	49 (1)
2016—2020	Славія Мазыр	94 (8)
2020	Белшына	8 (0)
2021	Менск	21 (0)
2022	Сьцяг Працы[d]	8 (1)
2022	МЛ Віцебск	5 (0)
Зборныя
2013	Беларусь (да 21)	10 (2)

Кар’ера

Пачынаў займацца футболам у роднай Воршы, а пазьней паступіў у менскую Рэспубліканскую вучэльню алімпійскай рэзэрвы (РВАР), адкуль перайшоў у сыстэму менскага «Дынама». У сталічнай каманды гуляў за дубль і фарм-клюб «Дынама-2». У сэзоне 2012 году быў аддадзены ў арэнду ў мазырскую «Славію», дзе быў гульцом асноўнага складу. У лютым 2013 году перайшоў у мазырскі клюб. У сэзоне 2013 году таксама стала гуляў у асноўным складзе, але ня здолеў выратаваць каманду ад вылету ў Першую лігу. У лютым 2014 году далучыўся да берасьцейскага «Дынама». У берасьцейскім клюбе звычайна выступаў на пазыцыі апорнага паўабаронцы. Па заканчэньні сэзону 2015 году пакінуў клюб^[3].

У студзені 2016 году вярнуўся ў мазырскую «Славію»^[4]. У складзе мазырчукоў у сэзоне 2016 году звычайна быў апорным паўабаронцам, часам гуляў у цэнтры абароны. У сэзоне 2017 году стаў капітанам каманды. Прапусьціўшы пачатак сэзону, пазьней замацаваўся ў стартавым складзе, аднак у жніўні зноў выбыў праз траўму. У пачатку сэзону 2018 году звычайна выходзіў на замену, але пазьней замацаваўся ў пачатковым складзе і дапамог камандзе перамагчы ў Першай лізе. У сэзоне 2019 году быў трывалым гульцом першай адзінаццатцы, а ў сэзоне 2020 году пачаў радзей зьяўляцца на полі.

У ліпені 2020 году пакінуў мазырскі клюб^[5] і неўзабаве далучыўся да бабруйскай «Белшыны»^[6], дзе замацаваўся ў стартавым складзе. У сьнежні 2020 году пакінуў клюб^[7]. З студзеня 2021 году трэнаваўся зь «Менскам» і ў сакавіку падпісаў кантракт з сталічнікамі^[8]. Гуляў пераважна ў стартавым складзе каманды. У сьнежні 2021 году па заканчэньні кантракта пакінуў сталічны клюб^[9].

У лютым 2022 году стаў гульцом клюбу «Сьцяг Працы» з трэцяга дывізіёну Расеі^[10]. У ліпені 2022 году вярнуўся ў Беларусь, узмоцніўшы склад рагачоўскага «Макслайну»^[11]. У сьнежні 2022 году пакінуў рагачоўскую каманду^[12]. З студзеня 2023 году пачаў працаваць дзіцячым трэнэрам у Караляўцы^[13].

Статыстыка

Клюб	Сэзон	Чэмпіянат
		Дывізіён	Матчы	Галы
Дынама Берасьце	2015	Найвышэйшая ліга	24	1
Славія Мазыр	2016	Найвышэйшая ліга	25	4
	2017	Найвышэйшая ліга	14	0
	2018	Першая ліга	26	3