Дубна (Магілёўская вобласьць)

Ду́бна^[2] (таксама Дубі́на^[2], Дубі́ня^[2]) — вёска ў Прапойскім раёне Магілёўскай вобласьці. Уваходзіць у склад Кабінагорскага сельсавету. Непадалёк ад вёскі знаходзіцца возера Сьвятое.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Дубна (неадназначнасьць).

Дубна
трансьліт. Dubna
Краіна:	Беларусь
Вобласьць:	Магілёўская
Раён:	Прапойскі
Сельсавет:	Кабінагорскі
Насельніцтва:	21 чал. (2011)[1]
Часавы пас:	UTC+3
Тэлефонны код:	+375 2246
СААТА:	7250815020
Нумарны знак:	6
Геаграфічныя каардынаты:	53°21′0″ пн. ш. 31°2′0″ у. д.
Дубна на мапе Беларусі ± Дубна Дубна

Гісторыя

Згадваецца паміж 1598 і 1610 гг. як вёска Прапойскай воласьці пры продажы маёнтку Тайманава^[3]. У 1649 годзе згадваецца як вёска ў Прапойскім старостве ў Рэчыцкім павеце ВКЛ^[4]. У гістарычных крыніцах згадваецца Дубна (1675), Добна (1752). З 1835 году ўладаньне Бэнкендорфа. У 1884 годзе 25 двароў, 197 жыхароў. У 1926 годзе дзейнічала чатырохклясная школа^[5]

Насельніцтва

• 2011 год — 21 чалавек^[1]
• 2010 год — 20 чалавек
• 1999 год — 63 чалавекі
• 1910 год — 332 чалавекі^[5]

Славутасьці

• Паселішча-1 эпохі нэаліту й бронзавага веку. На заходняй ускраіне вёскі, ва ўрочышчы Ганчароўка.
• Паселішча-2 эпохі нэаліту й бронзавага веку. На паўночнай ускраіне вёскі, ва ўрочышчы Зьбішча.
• Паселішча-3 эпохі нэаліту й бронзавага веку. На захад ад вёскі, на ўсходнім беразе возера Сьвятое, ва ўрочышчы Купальня^[6].