Дубовая Града

Дубо́вая Града́^[1] — пасёлак у Беларусі. Уваходзіць у склад Папаратнянскага сельсавету Жлобінскага раёну Гомельскай вобласьці. Насельніцтва 5 чал. (2004). Знаходзіцца за 18 км на паўднёвы захад ад места Жлобін, за 3 км ад чыгуначнай станцыі Мормаль (лінія Жлобін — Каленкавічы), за 77 км ад Гомелю.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Града.

Дубовая Града
Першыя згадкі:	XX ст.
Былая назва:	Лапці
Вобласьць:	Гомельская
Раён:	Жлобінскі
Сельсавет:	Папаратнянскі
Насельніцтва:	5 чал. (2004)
Часавы пас:	UTC+3
Геаграфічныя каардынаты:	52°45′39″ пн. ш. 29°56′14″ у. д.
Дубовая Града на мапе Беларусі Дубовая Града

На поўначы мэліярацыйныя каналы.

Гісторыя

Заснаваны ў пачатку XX стагодзьдзя перасяленцамі з суседніх вёсак. Другая назва пасёлку — Лапці, якая ўтварылася ад прозьвішча першых чатырох пасяленцаў — Лапцевых. У 1932 годзе жыхары ўступілі ў калгас. У часе нямецка-савецкай вайны ў лістападзе 1943 году акупанты спалілі 23 двары. 16 жыхароў загінулі на франтах. У 1962 годзе да пасёлку быў далучаны пасёлак Рэкорд. У складзе калгасу «Іскра» (цэнтар — вёска Папаратнае).

Насельніцтва

• XX стагодзьдзе: 1925 — 8 двароў; 1940 — 25 двароў, 95 жыхароўў; 1959 — 81 жыхар (паводле перапісу)
• XXI стагодзьдзе: 2004 — 4 гаспадаркі, 5 жыхароў^[2]