Дыега Бэнальлё

Дыега Арлянда Бэнальлё (па-італьянску: Diego Orlando Benaglio; нар. 8 верасьня 1983 году, Цюрых, Швайцарыя) — былы швайцарскі футбаліст, брамнік нацыянальнай зборнай Швайцарыі.

Дыега Бэнальлё
Пэрсанальная інфармацыя
Нарадзіўся	8 верасьня 1983(1983-09-08)[1][2] (41 год) Цюрых, Швайцарыя
Рост	194 см
Вага	89 кг
Пазыцыя	брамнік
Клюбы
Гады	Клюб	Гульні (галы)¹
2002—2005	Штутгарт	0 (0)
2003—2005	Штутгарт II	37 (0)
2005—2008	Насьёнал	69 (0)
2008—2017	Вольфсбург	259 (0)
2017—2020	Манака	26 (0)
Зборныя
2001	Швайцарыя (да 19)[d]	3 (0)
2002	Швайцарыя (да 20)[d]	1 (0)
2003—2005	Швайцарыя (да 21)[d]	15 (0)
2006—2014	Швайцарыя	61 (0)
2012	Швайцарыя (да 23)[d]	4 (0)

Кар’ера

Клюбная

Першым клюбам Дыега быў цюрыскі «Грасгопэр». У 2002 годзе гульца запрыкмецілі сэлекцыянэры зь нямецкага «Штутгарту», аднак у Нямеччыне Бэнальлё выступаў толькі за рэзэрвістаў нямецкага клюбу. У сэзоне 2005—2006 гадоў брамнік далучыўся да партугальскага «Насьёналу», дзе стаў асноўным брамнікам пасьля сыходу ў «Чэлсі» вэтэрана Энрыке Іларыю.

22 студзеня 2008 году Дыега вярнуўся ў Нямеччыну, на гэты раз у клюб «Вольфсбург»^[3]. У новай камандзе швайцарскі легіянэр стаў першым брамнікам каманды, а ў сэзоне 2008—2009 гадоў, пераможным для клюбу, Дыега прапусьціў у чэмпіянаце толькі 3 гульні.

Міжнародная

Да нацыянальнай зборнай Швайцарыі Бэнальлё прыцягваўся яшчэ на чэмпіянат сьвету 2006 году, аднак тамака ён быў толькі трэцім брамнікам каманды пасьля Паскаля Цубэрбюлера й Фабіё Кальторці. Аднак ужо з 2008 году стаў асноўным брамнікам зборнай.

Дасягненьні

«Вольфсбург»:

• Чэмпіён Нямеччыны: 2009
• Уладальнік Кубка Нямеччыны: 2015