Дэйв Льюіс

Дэ́йвід Ро́дні Льюіс (па-ангельску: David Rodney Lewis; нарадзіўся 3 ліпеня 1953 году, Кіндэрсьлі, Саскачэван) — канадзкі хакейны абаронца і трэнэр. Былы галоўны трэнэр беларускай зборнай, быў звольнены з гэтай пачады падчас чэмпіянату сьвету па хакеі 2018 году. Найлепшы трэнэр Беларусі 2015 году.

Вікіпэдыя мае артыкулы пра іншых асобаў з прозьвішчам Льюіс.

Дэвід Льюіс
Рост	188 см
Вага	91 кг
Пазыцыя	абаронца
Кідок/Ловы	зьлева
Грамадзянства	Канада ЗША[1]
Дата нараджэньня	3 ліпеня 1953 (72 гады)
Месца нараджэньня	Кіндэрсьлі, Саскачэван, Канада
Выступаў за	Нью-Ёрк Айлэндэрз Лос-Анджэлес Кінгс Нью-Джэрзі Дэвілз Дэтройт Рэд Ўінгс
Драфт НХЛ	33, 1973 Нью-Ёрк Айлэндэрз
Гульнявая кар’ера	1973—1987

Жыцьцяпіс

Бабуля і дзядуля Дэйвіда Льюіса па кудзелі былі ўкраінцамі. Дзядуля ў 1905 року пераехаў у Канаду, у пачатку Першай сусьветнай туды пераехала і бабуля^[2]. Па мячы дзяды Льюіса паходзяць з Шатляндыі.

Льюіс нарадзіўся ў рабочым пасёлку Кіндэрсьлі.

Кар’ера

Гульнявая

Хакейную кар’еру Льюіс пачаў абаронцам у «Саскатун Блэйдс» Заходняй канадзкай хакейнай лігі. Па выніках драфту 1973 року быў абраны «Нью-Ёрк Айлэндэрз» у трэцім коле пад 33 агульным нумарам. За 16 сэзонаў выступаў за «Нью-Ёрк Айлэндэрз», «Лос-Анджэлес Кінгс», «Нью-Джэрзі Дэвілз» і «Дэтройт Рэд Ўінгс», закінуў 36 галоў і зарабіў 224 пункты ў 1008 гульнях.

Трэнэрская

Скончыўшы гульнявую кар’еру ў 1987 року, Дэйвід Льюіс застаўся ў «Чырвоных крылах» памочнікам трэнэра. За час ягонага знаходжаньня на пасадзе «Дэтройт» тройчы выйграваў Кубак Стэнлі (1997, 1998 і 2002). У 2002 заступіў на пасаду галоўнага трэнэра пасьля сыходу Скоці Боўмэна. За два сэзоны Льюіс прыводзіў «Чырвоныя крылы» да 48 перамогаў, у тым ліку выйграваў Прэзыдэнцкі трафэй. Аднак у плэй-оф вынік клюбу быў 6-10. Па сканчэньні лякаўту ягоны кантракт быў працягнуты да 30 чэрвеня 2005, а пасьля гэтага тэрміну Льюіс застаўся ў клюбе скаўтам.

29 чэрвеня 2006 Льюіс быў пакліканы на пасаду галоўнага трэнэра «Бостан Бруінз». Ягоны адзіны сэзон зь «Мішкамі» быў непасьпяховым: клюб ня трапіўу плэй-оф, заняўшы апошняе месца ў Паўночна-ўсходнім дывізіёне. У чэрвені 2007 Льюіс быў звольнены.

У сэзоне 2007—2008 рокаў Дэйв Льюіс быў памочнікам трэнэра «Лос-Анджэлес Кінгс».

З восені 2008 року працаваў памочнікам галоўнага трэнэра зборнай Беларусі Глена Гэнлана. Супрацоўнічаў зь ім на Чэмпіянаце сьвету-2009 і з Захаравым на Алімпіядзе-2010, а таксама працаваў памочнікам Гэнлана ў менскім «Дынама» (2008—2009)^[3].

5 лістапада 2010 Льюіс, дзядуля і бабуля якога па кудзелі паходзілі з Украіны, падпісаў кантракт са зборнай Украіны^[4], аднак гэтае супрацоўніцтва было непрацяглым^[5].

7 чэрвеня 2011 Льюіс быў наняты памочнікам трэнэра «Караліны Гарыкейнз»^[6]. 5 траўня 2014 ён быў звольнены разам з галоўным трэнэрам Кіркам Мюлерам і яшчэ адным памочнікам Джонам Маклінам.

12 сьнежня 2014 ён стаў галоўным трэнэрам нацыянальнай зборнай Беларусі^[3]. Кантракт заключаны на адзін год з магчымым працягам да Алімпіяды-2018. Па выніках сэзону 2014—2015 гадоў быў названы найлепшым трэнэрам Беларусі^[7].

Статыстыка

Гульнявая

				Рэгулярны сэзон						Плэй-оф
Сэзон	Клюб	Ліга		Гульняў	Г	П	Пт	Ш		Гульняў	Г	П	Пт	Ш
1971-72	Саскатун Блэйдс	ЗКХЛ		52	2	9	11	69		—	—	—	—	—
1972-73	Саскатун Блэйдс	ЗКХЛ		67	10	35	45	89		—	—	—	—	—
1973-74	Нью-Ёрк Айлэндэрз	НХЛ		66	2	15	17	58		—	—	—	—	—
1974-75	Нью-Ёрк Айлэндэрз	НХЛ		78	5	14	19	98		17	0	1	1	28
1975-76	Нью-Ёрк Айлэндэрз	НХЛ		73	0	19	19	54		13	0	1	1	44
1976-77	Нью-Ёрк Айлэндэрз	НХЛ		79	4	24	29	44		12	1	6	7	4
1977-78	Нью-Ёрк Айлэндэрз	НХЛ		77	3	11	14	58		7	0	1	1	11
1978-79	Нью-Ёрк Айлэндэрз	НХЛ		79	5	18	23	43		10	0	0	0	4
1979-80	Нью-Ёрк Айлэндэрз	НХЛ		62	5	16	21	54		—	—	—	—	—
1979-80	Лос-Анджэлес Кінгс	НХЛ		11	1	1	2	12		4	0	1	1	2
1980-81	Лос-Анджэлес Кінгс	НХЛ		67	1	13	14	98		4	0	2	2	4
1981-82	Лос-Анджэлес Кінгс	НХЛ		64	1	13	14	75		10	0	4	4	36
1982-83	Лос-Анджэлес Кінгс	НХЛ		79	2	10	12	53		—	—	—	—	—
1983-84	Нью-Джэрзі Дэвілз	НХЛ		66	2	5	7	63		—	—	—	—	—
1984-85	Нью-Джэрзі Дэвілз	НХЛ		74	3	9	12	78		—	—	—	—	—
1985-86	Нью-Джэрзі Дэвілз	НХЛ		69	0	15	15	81		—	—	—	—	—
1986-87	Дэтройт Рэд Ўінгс	НХЛ		58	2	5	7	66		14	0	4	4	10
1987-88	Дэтройт Рэд Ўінгс	НХЛ		6	0	0	0	18		—	—	—	—	—
Агулам у ЗКХЛ				119	12	44	56	158		—	—	—	—	—
Агулам у НХЛ				1008	36	188	224	953		91	1	20	21	143

Трэнэрская

Клюб	Рок	Рэгулярны сэзон							Пасьлясэзоньне
		Г	П	Пр	Н	ПрАт	Пкт	Месца	П	Пр	% перамог	Вынік
ДЭТ	2002-03	82	48	20	10	4	110	1-я ў Цэнтральным	0	4	.000	Выбылі ў чвэрцьфінале канфэрэнцыі
ДЭТ	2003-04	82	48	21	11	2	109	1-я ў Цэнтральным	6	6	.500	Выбылі ў паўфінале канфэрэнцыі
Агулам у ДЭТ		164	96	41	21	6	219		6	10	.375
БОС	2006-07	82	35	41	-	6	76	5-я ў Паўночна-ўсходнім	-	-	-
Агулам у БОС		82	35	41	-	6	76		-	-	-
Агулам		246	131	82	21	12	295	2 тытулы ў дывізіёне	6	10	.375	0 кубкаў Стэнлі