Еленева

Еленева^[1] (польск. Jeleniewo) — вёска ў Польшчы, каля возера Вялікага Шэльманта. Цэнтар сельскай гміны Сувальскага павету Падляскага ваяводзтва. Знаходзіцца за 14 км на поўнач ад Сувалак, за 122 км на поўнач ад Беластоку.

Еленева
польск. Jeleniewo
Касьцёл Найсьвяцейшага Сэрца Езуса
Краіна:	Польшча
Ваяводзтва:	Падляскае
Павет:	Сувальскі
Гміна:	Еленева
Насельніцтва:	641 чал. (2011)
Часавы пас:	UTC+1
летні час:	UTC+2
Паштовы індэкс:	16-404
Нумарны знак:	BSU
Геаграфічныя каардынаты:	54°12′20.9″ пн. ш. 22°54′46.1″ у. д.
Еленева на мапе Польшчы Еленева
Галерэя здымкаў у Вікісховішчы

Еленева — даўняе мястэчка гістарычнай Гарадзеншчыны (частка Троччыны).

Гісторыя

Вялікае Княства Літоўскае

Мястэчка ўтварылася ў 1773—1782 гадох дзякуючы рэформам, праведзеным Антоніем Тызэнгаўзам у Гарадзенскай эканоміі. Яно ўваходзіла ў склад Гарадзенскага павету Троцкага ваяводзтва.

Пад уладай Расейскай імпэрыі

У выніку трэцяга падзелу Рэчы Паспалітай (1795 год) Еленева апынулася ў складзе Прусіі, у 1807 годзе згодна з Тыльзіцкай мірнай дамовай — у складзе Расейскай імпэрыі, у Сейненскім павеце Аўгустоўскай губэрні. На 1800 год у Еленеве было 64 будынкі, на 1827 год — 63.

За часамі Першай сусьветнай вайны ў 1915 годзе Еленева занялі войскі Нямецкай імпэрыі.

Найноўшы час

Згодна з Рыскай мірнай дамовай 1921 году Еленева апынулася ў складзе міжваеннай Польскай Рэспублікі.

За часамі Другой сусьветнай вайны зь верасьня 1939 да 1945 году Еленева знаходзілася пад акупацыяй Трэцяга Райху. У 1975—1998 гадох Еленева ўваходзіла ў склад Сувальскага ваяводзтва.

Насельніцтва

Дэмаграфія

• XIX стагодзьдзе: 1827 год — 433 чал.^[2]
• XXI стагодзьдзе: 2011 год — 641 чал.

Турыстычная інфармацыя

Славутасьці

• Касьцёл Найсьвяцейшага Сэрца Езуса (1878)
• Могілкі: старыя каталіцкія, юдэйскія