Жордзі Альба

Жо́рдзі А́льба Ра́мас (па-каталянску: Jordi Alba Ramos; нар. 21 сакавіка 1989 году, Асьпіталет-дэ-Льёбрэгат, Гішпанія) — гішпанскі футбаліст каталёнскага паходжаньня, абаронца клюбу МЛС «Інтэр» і нацыянальнай зборнай Гішпаніі.

Жордзі Альба
Пэрсанальная інфармацыя
Нарадзіўся	21 сакавіка 1989(1989-03-21)[1][2][3] (36 гадоў) Асьпіталет-дэ-Льёбрэгат
Рост	170 см
Вага	69 кг
Пазыцыя	задні абаронца
Клюбная інфармацыя
Клюб	Інтэр Маямі
Нумар	18
Клюбы
Гады	Клюб	Гульні (галы)¹
2007—2008	Валенсія Мэстальля[d]
2008—2012	Валенсія	74 (5)
2008—2009	→ Хімнастык Тарагона[d]	35 (4)
2012—2023	Барсэлёна	313 (17)
2023—4	Інтэр Маямі	50 (5)
Зборныя
2006	Гішпанія (да 19)[d]	6 (1)
2008—2011	Гішпанія (да 21)[d]	4 (0)
2008—2013	Каталёнія[d]	5 (0)
2009	Гішпанія (да 20)[d]	9 (0)
2011—2023	Гішпанія	93 (9)
2012	Гішпанія (да 23)[d]	4 (0)
¹ Колькасьць гульняў і галоў за прафэсійны клюб лічыцца толькі для нацыянальнай лігі, адкарэктавана на 6 ліпеня 2025.

Кар’ера

«Валенсія»

Займацца футболам Жордзі Альба пачаў у складзе «Барсэлёны», аднак сваім выпускніком яго мае права назваць футбольная школа іншага гранду гішпанскага футболу — «Валенсія», куды Жордзі перайшоў транзытам праз моладзевую каманду клюбу «Карнэльля».

Пасьля сэзону, праведзенага ў дублі, Жордзі Альба стаў прыцягвацца да гульняў за асноўны склад. Але з-за высокай канкурэнцыі на пазыцыі левага паўабаронцы малады гулец сэзон 2008—2009 гадоў правёў у арэндзе ў клюбе Сэгунды «Хімнастык». Там Жордзі гуляў рэгулярна, а ў міжсэзоньні 2009 году Жордзі Альба вярнуўся ў «Валенсію».

У сярэдзіне новага сэзону гулец атрымаў шанец на сталую гульню ў асноўным складзе з-за траўмаў сваіх партнэраў на левым флянзе абароны. Жордзі Альба цалкам годна справіўся з гульнёй у новым для сябе амплюа. 11 красавіка 2010 году Жордзі Альба забіў свой першы гол за «Валенсію» правёўшы мяч у браму «Маёркі».

«Барсэлёна»

28 чэрвеня 2012 году Альба падпісаў пяцігадовы кантракт са сваім былым клюбам «Барсэлёнай», за які «Валенсія» атрымала 14 мільёнаў эўра^[4].

Міжнародная кар’ера

11 кастрычніка 2011 году малады паўабаронца дэбютаваў у складзе зборнай Гішпаніі ў матчы супраць зборнай Шатляндыі^[5]. Свой першы мяч за зборную забіў у фінальным матчы чэмпіянату Эўропы 2012 году ў браму зборнай Італіі.

Дасягненьні

«Барсэлёна»:

• Чэмпіён Гішпаніі: 2013, 2015, 2016, 2018, 2019, 2023
• Уладальнік Кубка Гішпаніі: 2015, 2016, 2017, 2018, 2021
• Уладальнік Супэркубка Гішпаніі: 2013, 2016, 2018, 2023
• Пераможца Лігі чэмпіёнаў: 2015
• Пераможца клюбнага чэмпіянату сьвету: 2015

«Інтэр»:

• Пераможца Сапортэрз Шылдс: 2024

Гішпанія:

• Чэмпіён Эўропы: 2012