Зачысцкі сельсавет

Зачы́сцкі сельсавет^[1] — былая адміністрацыйна-тэрытарыяльная адзінка ў складзе Барысаўскага раёну Менскай вобласьці. Адміністрацыйны цэнтар — вёска Зачысьце.

Гісторыя

У 1918 годзе створаны ў складзе Зачысцкай воласьці Барысаўскага павету Менскай губэрні (да 18 сакавіка 1921 году) РСФСР (з 1 студзеня 1919 году — Беларускай ССР), з 20 жніўня 1924 году — Барысаўскага раёну Барысаўскай (з 9 чэрвеня 1927 году да 26 ліпеня 1930 году — Менскай) акругі, з 15 студзеня 1938 году — Менскай вобласьці^[2].

30 кастрычніка 2009 году сельсавету перададзеная частка тэрыторыі скасаванага Бродаўскага сельсавету, у тым ліку населеныя пункты Кастрыца і Міхайлова^[3].

30 сакавіка 2016 году сельсавет скасаваны, населеныя пункты перададзеныя ў склад Прыгараднага сельсавету^[4].

Населеныя пункты

• 1 студзеня 1947 году — 14^[5]
• 1 чэрвеня 1955 году — 16^[6]
• 1 студзеня 1964 году — 16^[7]
• 1 студзеня 1968 году — 15^[8]
• 1 студзеня 1974 году — 14^[9]
• 1 студзеня 1981 году — 11^[10]
• 1 студзеня 1986 году — 14^[11]

Колішнія населеныя пункты

У склад сельсавету таксама ўваходзілі няісныя цяпер населеныя пункты: Барсукі, Барсучына, Журавец, Ільінкі, Раманаў Засьценак, Сойкі^[12], вёскі Бярозавая Гара, Бярозаўка, Верацея, Гумнішча, Казлы I (Казлы), Лісава, Макаўе.