Збуч

Збуч (па-польску: Zbucz, па-падляску: Zbuč) — вёска ўва ўсходняй Польшчы ў Чыжоўскае Гайнаўскага павету, разьмешчаная за 10 кілямэтраў ад Белавескай пушчы.

Збуч
польск. Zbucz
Першыя згадкі:	1556
Мясцовая назва:	Zbuč
Краіна:	Польшча
Ваяводзтва:	Падляскае
Павет:	Гайнаўскі
Гміна:	Чыжы
Насельніцтва:	187 чал. (2010)[1]
Часавы пас:	UTC+1
летні час:	UTC+2
Паштовы індэкс:	17-207
Нумарны знак:	BHA
Геаграфічныя каардынаты:	52°41′0″ пн. ш. 23°27′0″ у. д.
Збуч на мапе Польшчы Збуч
Галерэя здымкаў у Вікісховішчы

Жыхары вёскі — этнічныя беларусы, у большасьці праваслаўныя.

Гісторыя

Назва вёскі паходзіць ад прозьвішча аднаго зь яе першых жыхароў — Збуцкага.

Чалавек пасяляўся ў раёне Збуча ўжо ў IX стагодзьдзі, пра што сьведчыць раньнесярэднявечны могільнік ва ўрочышчах Грабняк і Курганы. Побач зь вёскай знаходзіцца таксама гарадзішча (урочышча Акопы), датаванае археолягамі на канец IX стагодзьдзя.

Гістарычныя зьвесткі пра Збуч пачынаюцца ў XVI стагодзьдзі, калі становіцца ён цэнтрам воласьці, якая абхоплівала сабой суседнія вёскі Беразова, Мора, Махнатае і сам Збуч.

У 1975—1998 гадах вёска належала да Беластоцкага ваяводзтва. 27 траўня 2012 году ў Збучы пачалася будова царквы ў гонар сьв. Мучанікоў Холмскіх і Падляскіх, а таксама жыхароў чыжоўскага прыходу, памардаваных у 1946 г. атрадам Рамуальда Райса.