Зьміцер Сасноўскі

Зьміцер Сасноўскі^[a] (22 лістапада 1974, Гомель) — беларускі гісторык і музыка. Папулярызатар сярэднявечнай беларускай музыкі. Майстар старадаўніх музычных інструмэнтаў. Ляўрэат міжнароднага фальклёрнага фэстывалю ў Паставах (1999 год), Нацыянальнай музычнай прэміі (2013 год).

Зьміцер Сасноўскі лац. Źmicier Sasnoŭski
Дата нараджэньня	22 лістапада 1974(1974-11-22) (50 гадоў)
Месца нараджэньня	Гомель, БССР, СССР
Месца вучобы	факультэт гісторыі і міжкультурных камунікацый ГДУ імя Ф. Скарыны[d] (1996) Рэспубліканскі інстытут вышэйшай школы[d] (1997)
Занятак	музыка, гісторык, прадусар, вырабнік музычных інструмэнтаў, дудар
Месца працы	Полацкі дзяржаўны ўнівэрсытэт Згуртаваньне беларусаў сьвету Бацькаўшчына Стары Ольса Дукорскі маёнтак[d]
Узнагароды	Ліра (2013)
Зьміцер Сасноўскі ў Вікісховішчы

Біяграфія

Зьміцер Сасноўскі на пратэсьце ў Менску, 30 жніўня 2020 г.

У 1992—1994 гадох старшыня Гомельскай арганізацыі Талака. Кіраўнік трэнавальнага працэсу ў Гомельскім аддзеле Беларускага згуртаваньня вайскоўцаў.

У 1996 годзе скончыў гістарычна-юрыдычны факультэт Гомельскага дзяржаўнага ўнівэрсытэту, у 1997 годзе — Рэспубліканскі інстытут вышэйшай школы (спэцыяльнасьць філязофія).

У 1996—2000 гадох выкладаў на катэдры філязофіі і культуралёгіі Полацкага дзяржаўнага ўнівэрсытэту. У 2001—2009 гадох загадваў інфармацыйным аддзелам Згуртаваньня беларусаў сьвету «Бацькаўшчына».

З 1999 году заснавальнік і лідэр музычнага гурта сярэднявечнай музыкі «Стары Ольса».

У 2015—2017 гадох загадваў гістарычным музэем Дукорскага маёнтку.

У 2020 годзе браў удзел у пратэстах супраць фальсыфікацыі выбараў, гвалту і беззаконьня, за што арыштоўваўся рэжымам Лукашэнкі^[1].

Бібліяграфія

• Сасноўскі Дз. Пра ідэнтыфікацыю тэрміна «літва» ў канцы ХІІ—ХІІІ стст. // БГЧ. № 2. 1999.
• Гісторыя беларускай музычнай культуры XIX—XX стст. Менск, 2012.
• Музычная культура рыцарскага саслоўя Вялікага Княства Літоўскага і Каралеўства Польскага. Менск, 2010.
• Гісторыя беларускай музычнай культуры ад першабытнасці да канца XVIII ст. Менск, 2010.
• Гісторыя беларускіх музычных уплываў. Менск, 2009.

Заўвагі

1. Поўнае імя — Дзьмітры Алегавіч